Asomafoɛ 5:25 - AHYERƐLƐ KRONGRON

²⁵ Yeɛ ebie wale badwafoɛ ne berɛ ɔɔbɔle bɛ amaneɛ kyɛ, “Ɛmɔtie! Mmenia nemɔ bɔ ɛmɔhyele bɛ beguale kuku nu nen, begyigyi asɔneyɛɛ sua ne anu dɔ bɛyɛ ngyerɛkyerɛ bekyire mmenia.”

Asomafoɛ 5:25 Iomraidhean Croise

Edwein 107:14

Ɔyele bɛ fili awosii ne ewue bɔnza awosii kabii nu, na obubuli ngɔnzɔngɔnzɔ bɔ ogua bɛ ne anu.

Yeremia 26:2

“AWURADE nwa nyoo: Gyina AWURADE awuro n’aluo berɛ, ná dwudwo kyire Yuda nguro nemɔ amukoraa bɔ bɛba AWURADE awuro berɛ bɛbasɔne ne. Na edwirɛ amukoraa bɔ mahyɛ wɔ kyɛ ɛhã hyire bɛ ne, kã kyire bɛ; nnɛye ko po fi nu.

Daniel 3:13

Yeɛ Nebukadenesa fɛle yaa hahii hyɛle kyɛ bɛɛfa Sadrake, Mesake ne Abedinego bɛbra. Na bɛɛfale sɔ mmenia ne bɛwale Nana nyunu.

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Yohane 11:46

Nakoso bɛ nu biemɔ de, besili nu bɛhɔle Farasiifoɛ nemɔ berɛ bɛɛhane bɔ Yesu ayɔ ne behyirele bɛ.

Asomafoɛ 3:1

Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

Asomafoɛ 5:24

Na mmerɛ bɔ asɔneyɛɛ sua nu safohene ne ne asɔfo mbanyi nemɔ tele sɔ dwirɛ nen, bɛyɛle basaa; né bɛngora benwu nikye horɛ bɔ wato asomafoɛ nemɔ ɔ, ɔne edwirɛ bɔ ɔkɔwa ye si ɔ.

Asomafoɛ 5:26

Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.