Asomafoɛ 5:24 - AHYERƐLƐ KRONGRON

²⁴ Na mmerɛ bɔ asɔneyɛɛ sua nu safohene ne ne asɔfo mbanyi nemɔ tele sɔ dwirɛ nen, bɛyɛle basaa; né bɛngora benwu nikye horɛ bɔ wato asomafoɛ nemɔ ɔ, ɔne edwirɛ bɔ ɔkɔwa ye si ɔ.

Asomafoɛ 5:24 Iomraidhean Croise

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Luka 22:4

Yiti osili nu hɔle asɔfo mbanyi ne asɔneyɛɛ sua nu awɛmvoɛ mbanyi nemɔ berɛ, na ɔne bɛ besusuli atee horɛ bɔ ɔkɔfa so kɔye Yesu kɔma bɛ ɔ nwo.

Luka 22:52

Afei Yesu sele asɔfo mbanyi ne asɔneyɛɛ sua nu awɛmvoɛ nemɔ ne maen mbanyi bɔ bɛwale kyɛ bɛbaahye ye ne kyɛ, “Ɛmɔwale kyɛ ɛmɔbaahye awerɔm awueniɛ hɔ ɔ, bɔ ɛmɔtiratira ngrandɛ ne mmopura ye?

Yohane 12:19

Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Asomafoɛ 2:12

Bɛ mukoraa bɛ nwo dwirili bɛ, na b’adwene yɛle bɛ naa; na bebisabisale bɛ nwo kyɛ, “Na ɛhe bo kyire sɛɛ?”

Asomafoɛ 4:1

Na mmerɛ bɔ begu so bedwudwo bekyire mmenia nemɔ nen, asɔfo nemɔ ne asɔneyɛɛ sua ne aso safohene ne Sadusiifoɛ nemɔ bɛwale bɛ so.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Asomafoɛ 5:23

“Yɛnwuni kyɛ batoto kuku nu anoa nemɔ anu yé, bɔ asraafoɛ begyigyi anoa nemɔ asi ɔ; nakoso yɛbukyele nen, yannwu sona biala wɔ nu!”

Asomafoɛ 5:25

Yeɛ ebie wale badwafoɛ ne berɛ ɔɔbɔle bɛ amaneɛ kyɛ, “Ɛmɔtie! Mmenia nemɔ bɔ ɛmɔhyele bɛ beguale kuku nu nen, begyigyi asɔneyɛɛ sua ne anu dɔ bɛyɛ ngyerɛkyerɛ bekyire mmenia.”

Asomafoɛ 5:26

Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.