Asomafoɛ 5:20 - AHYERƐLƐ KRONGRON

²⁰ “Ɛmɔhɔ beegyina asɔneyɛɛ sua ne anu, ná ɛmɔbɔ sɔ ngoa foforɛ he amukoraa nwo dawure behyire mmenia.”

Asomafoɛ 5:20 Iomraidhean Croise

Ɛksadɔso 24:3

Mose wale, na ɔɔfale AWURADE dwirɛ amukoraa ne ye nhyehyɛleɛ amukoraa bɔle mmenia ne amaneɛ, na mmenia ne amukoraa bɔle nu hane kyɛ, “Edwirɛ biala bɔ AWURADE aha ne, yɛkoli so.”

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Yeremia 26:2

“AWURADE nwa nyoo: Gyina AWURADE awuro n’aluo berɛ, ná dwudwo kyire Yuda nguro nemɔ amukoraa bɔ bɛba AWURADE awuro berɛ bɛbasɔne ne. Na edwirɛ amukoraa bɔ mahyɛ wɔ kyɛ ɛhã hyire bɛ ne, kã kyire bɛ; nnɛye ko po fi nu.

Yeremia 36:10

Yeɛ Baruku kengale Yeremia noa dwirɛ fili nwomaa ne anu wɔ AWURADE awuro berɛ hyirele maen ne amukoraa maa bɛtele. Ɔkengale ye wɔ Gemaria bɔ ye baba ole ahyerɛlɛniɛ Safan ye pumbu bɔ ɔwɔ aborɔsaen so, bɔ ɔwɔ AWURADE awuro berɛ Anoa Foforɛ ne anu berɛ ne.

Yeremia 7:2

“Gyina AWURADE awuro anoa piri ne anu berɛ, ná bɔ sɔ dwirɛ he dawure wɔ berɛ kyɛ: Yudafoɛ amukoraa bɔ ɛmɔwura sɔ anoa mbiri hemɔ anu bɛkɔsɔne AWURADE ɔ, ɛ́mɔtie AWURADE dwirɛ.

Hesekiel 33:7

“Yiti wɔ, Sona awa, mafa wɔ mayɛ Yisrael awuro ama bɛ wɛmvoɛ. Yiti tie me noa dwirɛ, ná fa bɔ bɛ kɔkɔ.

Mateo 10:27

Na bɔ mekã mekyire ɛmɔ awosii nu ne, ɛmɔhã ye eyia ketee; yeɛ bɔ batu ye nwo asure maa ɛmɔate ne, ɛ́mɔbɔ ye dawure wɔ sua ti afia.

Mateo 21:23

Yesu wurale asɔneyɛɛ sua ne anu, na ogu so ɔyɛ ngyerɛkyerɛ nen, asɔfo mbanyi ne maen mbanyi bɛwale ye berɛ beebisale ye kyɛ, “Tumi beni yeɛ egyi so bɔ ɛyɔ sɔ nningyein hemɔ ye? Na nwa yeɛ ɔmane wɔ sɔ tumi ne ɔ?”

Yohane 12:50

Na mese kyɛ ye ahyɛdeɛ te daa ngoa. Yiti edwirɛ bɔ mekã ne, kyɛbɔ Baba ne ahã ahyire me ne, sɔ ala yeɛ mekã ɔ.”

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 18:20

Na Yesu buale ye kyɛ, “Me de, madwudwo pefee mahyire wiase; nyɛle me ngyerɛkyerɛ mmerɛ biala wɔ nyianu sua mɔ nu ne asɔneyɛɛ sua ne anu, nekaa bɔ Yudafoɛ amukoraa bɛbayia ɔ; na manga dwirɛ biala wɔ mvealeɛ nu.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Asomafoɛ 11:14

na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.