Asomafoɛ 5:19 - AHYERƐLƐ KRONGRON

¹⁹ Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Asomafoɛ 5:19 Iomraidhean Croise

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Mateo 1:24

Na Yosef tingyele fili nnaa nu ne, ɔyɔle bɔ Awurade abɔfo ne hyɛle ye kyɛ ɔyɔ ne, na ɔɔfale ɔye ne wale awuro.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:19

Herode wue asi ne, yieee, Awurade abɔfo yele ye nwo ali wɔ laleɛ nu hyirele Yosef wɔ Misraim

Mateo 28:2

Na yieee, aseɛ wosole serɛserɛ; ofikyɛ Awurade abɔfo fili nyameɛso dwuli ase oomununi nyɔboɛ ne fili asieleɛ ne noa, na ɔtenane so.

Luka 1:11

Na Awurade abɔfo bie ɔɔyele ye nwo ali hyirele ye, na oogyinane ɛyɛɛ afɔleɛ bokyea ne famaa so.

Luka 2:9

Na Awurade abɔfo yele ye nwo ali hyirele bɛ, na Awurade animnyam tale bɛ nwo bra yiale, na ɛserɛ hane bɛ paa.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Asomafoɛ 16:26

Mvum nu, aseɛ wosole serɛserɛ mane kuku nu sua ne nyinasoɛ ne wosole. Berɛ ne ala, anoa ne amukoraa bukyebukyele, na ebiala ngɔnzɔngɔnzɔ bɔ ɔsosɔ ye ne puropuro guale.

Asomafoɛ 27:23

Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Asomafoɛ 8:26

Na Awurade abɔfo sele Filipo kyɛ, “Dwɔso ná fa ngwaen dɔ atee bɔ ofi Yerusalem ɔtoro kɔ Gasa ne aso.” Ɛhe te ɛserɛ so atee.