Asomafoɛ 5:16 - AHYERƐLƐ KRONGRON

¹⁶ Na nguro bɔ bapɛ Yerusalem nwo bayia ne, bɛ nu mmenia pee fale b’ayarefoɛ ne bɛ bɔ bele sunzummɔne ɔ bɛwale, na bɛ mukoraa bɛtele apɔ.

Asomafoɛ 5:16 Iomraidhean Croise

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Mateo 8:16

Na odwuli nɔsoa nen, bɛfale mmenia pee bɔ sunzummɔne wɔ bɛ so ɔ bɛwale Yesu berɛ. Ɔfale ye noa dwirɛ tutuli sunzummɔne nemɔ, na ɔsale bɛ bɔ bɛnde apɔ ne amukoraa anwonyerɛ.

Luka 5:17

Na ɔwale kyɛ, ɛlɛho bie, né ɔyɛ ngyerɛkyerɛ. Né Farasiifoɛ ne mmeraa akyerɛkyerɛfoɛ bɛtete berɛ bie. Befili Galilea ne Yudea nguraa mukoraa nu ne Yerusalem yeɛ bɛwale ɔ; na né Awurade tumi wɔ ye so bɔ ɔfa sa anwonyerɛ ɔ.

Luka 6:18

yeɛ bɛ bɔ sunzummɔne wɔ bɛ so koso ɔsale bɛ anwonyerɛ.

Luka 9:11

Na ɛlɔen ne tele nen, bɛpole ye; ye koso olele bɛ nyemene so, ɔhane Nyameɛ ahennie ne nwo dwirɛ hyirele bɛ, na ɔsale bɛ bɔ né behia anwonyerɛsalɛ ne anwonyerɛ.

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Asomafoɛ 5:15

Na ɔnate bɔ né asomafoɛ nemɔ bɛyɔ ne ati, mmenia soale ayarefoɛ bɛwale dwaaso, na bɛfale bɛ beguale mba ne bɛen so, kyɛbɔ ɔkɔyɛ ná Petro pɛ nu a, ye wawoɛ kɔtɔ bɛ nu bie so ɔ.

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

1 Korintofoɛ 12:9

Ye komapɛ ne ala ɔma ebie gyidie, né wasa walo ebie koso wama ye anwonyerɛsalɛ tumi.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.