Asomafoɛ 5:13 - AHYERƐLƐ KRONGRON

¹³ Na bɛ bɔ né bɛnne agyidifoɛ fekue ne anu ne, ebiala anzi ye adwene pi kyɛ ɔkɔboka bɛ so ɔ, ɔwɔ nu kyɛ né mmenia ka bɛ nwo dwirɛ paa de.

Asomafoɛ 5:13 Iomraidhean Croise

1 Ahemvo 17:18

Yeɛ braa ne sele Elia kyɛ, “Nyameɛ sona, nzikyɛ dwirɛ yeɛ afa ali me ye? Ɛwale wa kyɛ ɛbaakaye me me bɔne, ná ɛma mma ne wu anaa?”

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Luka 19:48

nakoso bannya ye nwo ate, ofikyɛ né mmenia ne amukoraa bayɛ asoɛ betie edwirɛ bɔ ɔkã ne.

Yohane 12:42

Na maen mbanyi nemɔ pee belele ye belili, nakoso ɔnate esurolɛ bɔ besuro Farasiifoɛ nemɔ ati, bangora banye bɛ nyunu, bɔ ahaa ɔkɔmaa bekotu bɛ bekofi nyianu sua ne anu ɔ;

Yohane 19:38

Na nziɛ ye, Yosef bɔ ofi Arimatea, bɔ ɔte Yesu suaniɛ, bɔ Yudafoɛ nwo suronyi ti ɔfeafea ye nwo ɔyɔ sɔ ɔ, ɔɔsrɛle Pilato kyɛ ɔma ye ate ma ɔye Yesu fuin ne, na Pilato mane ye ate. Yiti ɔwale ɔɔyele ye fuin ne.

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.

Asomafoɛ 5:26

Yeɛ asɔneyɛɛ sua so safohene ne ne ye asraafoɛ nemɔ hɔle bɛɛfale asomafoɛ nemɔ bɛwale. Banyɔ ye patapaa so, ofikyɛ né besuro kyɛ mmenia kɔboro bɛ nyɔboɛ.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

2 Korintofoɛ 10:15

Yɛ de, yɛnhoahoa yɛ nwo ma ɔndra so, yɛmva ebiemɔ adwuma bɔ bayɔ yɛnhoahoa yɛ nwo. Na mmom yɛle anyelasoɛ kyɛ, sɛ ɛmɔ gyidie nyi a, ɔkɔma dwumadie bɔ Nyameɛ afa awura yɛ sa wɔ ɛmɔ berɛ ne kɔtrɛ,