Asomafoɛ 5:12 - AHYERƐLƐ KRONGRON

¹² Na nzɛngyerɛnneɛ ne anwanwadeɛ pee fale asomafoɛ nemɔ so lale ali wɔ maen ne anu. Né bɛ mukoraa bayɛ adwene ko bayia nu wɔ Solomon Abrannaa so.

Asomafoɛ 5:12 Iomraidhean Croise

Yeremia 26:9

Nzu ati yeɛ afa AWURADE dumaa ahyɛ ngɔm kyɛ, ‘Awuro he kɔyɛ kyɛ Silo, ná kuro ye koso kɔyɛ kurofoen, bɔ ebiala ngɔtena so ɔ’?” Na mmenia ne amukoraa bɛpɛle Yeremia nwo beyiale wɔ AWURADE awuro berɛ.

Marko 16:20

Na bɛ de, bɛhɔle bɛɛhane nzɛmba ne nekaa biala, na Awurade fale bɛ yɔle adwuma, na ɔfale nzɛngyerɛnneɛ bɔ ɔboka so ne aso ɔfoale edwirɛ ne aso. Amen.]

Yohane 10:23

Né Yesu natenate asɔneyɛɛ sua ne anu, wɔ Solomon abrannaa so.

Yohane 4:48

Yeɛ Yesu sele ye kyɛ, “Ɛmɔngole ngoli, sana ɛmɔanwu anwanwadeɛ ne nzɛngyerɛnneɛ koraka.”

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 19:11

Nyameɛ fale Pɔɔlo so yɔle nzɛngyerɛnneɛ sonongo,

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 28:9

Na sɔ dwirɛ ne sili nen, supɔ ne aso ayarefoɛ mukoraa wale maa Pɔɔlo sale bɛ anwonyerɛ.

Asomafoɛ 3:11

Biaa ne te hale Petro ne Yohane so wɔ nekaa bie bɔ bɛfrɛ berɛ Solomon Abrannaa nu, na ɔyɛle mmenia ne amu nwanwa; yiti bɛbɔle twi bɛhɔle bɛ nwo berɛ.

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Asomafoɛ 9:33

Berɛ yeɛ oonwuni bubuaniɛ biaa bie bɔ bɛfrɛ ye Yinea bɔ wali bɛen so afoɛ mmɔtwɛ ɔ.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

2 Korintofoɛ 12:12

Nningyein bɔ bedi asomafoɛ paa nwo adanzeɛ ne, nyɔle ye wɔ ɛmɔ berɛ wɔ aboterɛ mukoraa ne nzɛngyerɛnneɛ, anwanwadeɛ ne tumi nnwumaa nu ɔ.

Hebrifoɛ 2:4

Na Nyameɛ koso yɔle nzɛngyerɛnneɛ ne anwanwadeɛ ne tumi nnwumaa ahoroɔ, na ɔmane Sunzum Krongron akyɛdeɛ ne, kyɛbɔ ye apɛdeɛ si te ɔ fa lili edwirɛ ne nwo adanzeɛ.