Asomafoɛ 5:11 - AHYERƐLƐ KRONGRON

¹¹ Na esuronyi pirikua hane asɔre mma ne amu ɔne bɛ bɔ bɛtele edwirɛ ne amukoraa.

Asomafoɛ 5:11 Iomraidhean Croise

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Yeremia 32:40

Me ne bɛ yɛkɔyɛ apam afebɔɔ, na mengɔyakyi kyɛ ngɔyɛ bɛ paa ɔ; na mmom ngɔfa me nwo suronyi ngowura b’ahone nu, amaa bangakyi bɛ si bamma me.

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 2:43

Asomafoɛ ne yɔle nzɛngyerɛnneɛ ne anwanwadeɛ pee, na bɛ nwo yɛle sona biala suro.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Hebrifoɛ 12:28

Na ɔnate kyɛ yanya Ahennie bɔ ɔnwoso ne ati, ɛ́mɔma yɛ́fa asennaa yɛma Nyameɛ ná yɛfa esuronyi ne ebuo yɛsɔne ye kyɛbɔ ɔsɔ anyeɛ ɔ,

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”