Asomafoɛ 4:4 - AHYERƐLƐ KRONGRON

⁴ Nakoso bɛ bɔ bɛtele edwirɛ ne, bɛ nu pee bele belili, na mmenia ne somaa ɔɔyɛle kɔyɛ apee nnu.

Asomafoɛ 4:4 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yesaya 45:24

“Amba, bɛkɔhã bɛkɔfa me nwo kyɛ, AWURADE ngome nu yeɛ menya tenenee ne anwoserɛ ɔ, na bɛ bɔ bafɛ ye so yaa ne, bɛkɔfa animguaseɛ yeɛ bɛkɔwa ye nyunu ɔ.

Yesaya 53:12

Yiti ngɔfa ye kyɛfa ngɔma ye wɔ atitirefoɛ nu, na ɔne anwoserɛfoɛ bɛkɔhyɛ koɛ nu nzesadeɛ ne, ofikyɛ ɔfale ye kra tole berɛ mane ewue, bɛhale ye bɛfrale mmeraatolɛfoɛ; nakoso ɔfale menni pee bɛ bɔne tole ye nwo so, na olili mmeraatolɛfoɛ bɛ ti dwirɛ mane bɛ.

Yohane 12:24

Nahorɛ nu paa, mekã mekyire ɛmɔ kyɛ, sɛ aburoo baa ko wandɔ aseɛnwo wanwu a, ɔte komapɛ ne ala; nakoso sɛ owu a, osu mmaa pee.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 28:24

Bɛ nu biemɔ lele bɔ ɔhane ne lili, nakoso ebiemɔ de, banne banni.