Asomafoɛ 4:31 - AHYERƐLƐ KRONGRON

³¹ Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 4:31 Iomraidhean Croise

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Yohane 14:12

Nahorɛ nu paa, mekã mekyire ɛmɔ kyɛ: Ebiala bɔ ode me di nen, ye koso ɔkɔyɔ nnwumaa bɔ meyɔ ne bie, na ɔkɔyɔ bɔ ɔte mbiri mbiri tra ɛhemɔ ɔ; ofikyɛ me de, mékɔ me Baba ne berɛ.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 2:1

Pɛntekɔso kyẽa ne dwuli ne, né agyidifoɛ nemɔ amukoraa baboa bɛ noa neka horɛ.

Asomafoɛ 2:2

Na mvum nu, dede bie bɔ ɔte kyɛ mvrama bɔ ye noa yɛ hye ɔ ofili nyameɛso wale, na ooyili awuro bɔ né bɛwɔ nu ne anu tɛkyɛ.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.