Asomafoɛ 4:27 - AHYERƐLƐ KRONGRON

²⁷ Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Asomafoɛ 4:27 Iomraidhean Croise

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

YOB NWOMAA NE 15:14

Dasaniɛ ole nwa bɔ ye nwo kora te ɔ? Sona beni yeɛ brasua awo ye bɔ ɔtengyɛ ɔ?

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Yesaya 37:26

“ ‘Aso ande, kyɛ sɔ dwirɛ ne, ndwenene ye nwo ahyɛ ɔ? Ofi tetetete yeɛ nikyee bɔ meyɔ ye kekesaala ye ne nhyehyɛ ndole berɛ ɔ, kyɛ nguro bɔ bato bɛ nwo fasue nemɔ, odi kyɛ ɛsɛkye bɛ maa bɛkakyi kurofoen ɔ.

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Mateo 14:1

Sɔ mmerɛ ne anu, manzini hene Herode tele Yesu nga;

Mateo 14:3

Ofikyɛ né Herode wali moa wahye Yohane wakyekye ye wato kuku nu, ɔnate Herode aliɛma Filipo aye Herodiase ti.

Mateo 14:6

Na Herode krakyẽa dwuli nen, Herodiase awa abaayaa gole abilie hyirele bɛ bɔ bayia berɛ ne maa ɔyɛle Herode nyemene.

Mateo 21:28

“Ɛmɔdwene ye nwo sɛ? Né biaa bie le mmaa mmienzua nyɔ; na ɔhɔle bɔ oli moa ne berɛ oosele ye kyɛ, ‘Mma, ɛnɛ kɔyɔ adwuma wɔ me bobe boo ne anu.’

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Mateo 27:2

Bɛkyekyele ye, na bɛfale ye bɛhɔ beewurale amrado Pontio Pilato sa.

Marko 10:33

“Ɛ́mɔtie, yɛ́fo yɛ́kɔ Yerusalem, na bɛkɔye Sona Awa ne bekowura asɔfo mbanyi ne ahyerɛlɛfoɛ sa, na bekobua ye ewue foɛ, ná bafa ye bawura Amaenmaensofoɛ sa;

Marko 15:31

Na sɔ ala yeɛ asɔfo mbanyi ne ahyerɛlɛfoɛ nemɔ bɛkekã behyirehyirele bɛ nwo bɛgorole ye nwo kyɛ, “Olele ebiemɔ, nakoso ɔngora nne ye nwo.

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 22:63

Na mmenia bɔ né betiratira Yesu nu ne, bɛgorole ye nwo, na bɛbole ye.

Luka 23:1

Afei mmenia worawora ne amukoraa bedwɔsole, na bɛfale ye bɛhɔle Pilato nyunu.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Luka 9:22

Na osele kyɛ, “Odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa ne aso otingye.”

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Yohane 18:29

Yiti Pilato fite wale bɛ berɛ oobisale bɛ kyɛ, “Nzikyɛ kwaadu yeɛ ɛmɔfa bɛbɔ sɔ biaa ye ɔ?”

Yohane 19:34

Nakoso asraafoɛ nemɔ anu ko fale pealɛɛ wɔle ye mvenu, na berɛ ne ala, mogya ne nzue fili nu wale.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 2:27

Ofikyɛ ɛngɔyakyi me kra ma ɔngɔha ɛborɔ, yeɛ ɛngɔma wɔ Krongronniɛ ne ɔngɔporɔ wɔ ngɔporɔ ɛborɔ kumaa nu.

Asomafoɛ 4:30

Kyire wɔ tumi wɔ anwonyerɛsalɛ nu na boka maa yɛgyina wɔ Somvoɛ Krongron Yesu dumaa nu yɛyɔ anwanwadeɛ ne nzɛngyerɛnneɛ.”

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.