Asomafoɛ 4:26 - AHYERƐLƐ KRONGRON

²⁶ Aseɛ so ahemvo mɔ besiesie bɛ nwo bɛma koɛ, na atitirefoɛ beyia neka horɛ bedwɔso betia Awurade ne ye Kristo ne.’

Asomafoɛ 4:26 Iomraidhean Croise

Edwein 2:1

Nzu ati yeɛ maen maen mɔ bɛyɔ lɔen ɔ, ná maen mɔ bɛbɔ porɛ bɔ ongonzi pasiliwa biala ɔ?

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Yesaya 7:7

Ye sɔ ne ati, AWURADE Nyameɛ nwa nyoo: Sɔ porɛ ne ngogyina, yeɛ ɔngɔyɔ adwuma.

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Luka 4:18

“Awurade Sunzum wɔ me so, ɔnate kyɛ wapopa me ngoo kyɛ nga nzɛmba ne ngyire ehiafoɛ. Wasoma me kyɛ mmɔ fawɔnwodi nwo dawure ngyire bɛ bɔ bahye bɛ nnure ɔ, ɔne nikyee nwunɛ nwo dawure ngyire anyesiniwaafoɛ, kyɛ mma bɛ bɔ bɛwɔ nhyɛsoɛ nu ɔ bɛfa bɛ nwo beli,

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 12:10

Na ndele komviɛ pirikua bie wɔ nyameɛso kyɛ, “Afei yeɛ ngoalelɛ ne tumi ne ahennie ayɛ yɛ Nyameɛ deɛ, ná tumi ayɛ ye Kristo ne deɛ ɔ, ofikyɛ bafindi y’eliɛma mɔ bɛ kwaadubɔlɛniɛ ne bato ase, ye bɔ ɔbɔ bɛ kwaadu alehyeleɛ ne alesaleɛ wɔ Nyameɛ nyunu ne.

Nyekyire 17:17

Ofikyɛ Nyameɛ amaa banya adwene ko kyɛ bɛ́ma ye nhyehyɛleɛ bra nu, kyɛ bénya adwene ko, ná bɛfa b’ahennie ne bɛma kaka ne, kɔpem kyɛ Nyameɛ noa dwirɛ ne kɔwa nu ɔ.