Asomafoɛ 4:20 - AHYERƐLƐ KRONGRON

²⁰ ɔnate kyɛ, bɔ yɛ yanwu ye ná yate ne de, yɛngɔhora yɛngɔyakyi ye hanɛ.”

Asomafoɛ 4:20 Iomraidhean Croise

2 Samuel 23:2

AWURADE Sunzum fa me so dwudwo, ye noa dwirɛ wɔ me temverema so.

Yeremia 1:7

Nakoso AWURADE sele me kyɛ, “Nnɛkã kyɛ, ‘Nde akwadaa’, ofikyɛ bɛ bɔ ngɔsoma wɔ wɔ bɛ berɛ ne amukoraa, odi kyɛ ɛkɔ ɔ, na edwirɛ biala bɔ ngɔfa ngɔsoma wɔ ne, odi kyɛ ɛkã ɔ.

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yeremia 4:19

Me kunu tete me, me kunu tete me! Ahunundetelɛ atɔ me so. M’ahone yɛ me hwimhwim. Mengora me noa kã to nu; ofikyɛ mete totorobɛndohulɛ nga, mete koɛ nga.

Yeremia 6:11

Yiti AWURADE ahonehulɛ ne wawura me nu tɛkyɛ bɔ mengora me nwo so hyɛ ɔ. “Ngɔfa me yaa piri ne ngɔhɔ ngwadaa so wɔ mmorɔnoɛ nemɔ aso, yeɛ mmerandeɛ kure ne aso; ofikyɛ bɛkɔhye biaa ne ɔye po, yeɛ nworowaa ne mmenia bɔ banyi paa ɔ koso.

Hesekiel 3:11

Si nu kɔ mmenia bɔ bahye bɛ nnure bahɔ ne berɛ, wɔ maen mmaa nemɔ berɛ kɔhã kyire bɛ. Sɛ betie oo, sɛ bandie oo, kã kyire bɛ kyɛ, ‘Bɔ AWURADE Nyameɛ kã hɔ ɛhe.’ ”

Amose 3:8

Gyata bobɔ nu, na nwa yeɛ ongosuro ɔ? AWURADE Nyameɛ adwudwo, nwa yeɛ ɔngɔhyɛ ngɔm ɔ?”

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Numeri 22:38

Balaam buale Balake kyɛ, “Kekesaala ye, mawa, nakoso atee nne berɛ kyɛ meka bɔ me bɔbɔ mekuro ɔ. Edwirɛ bɔ Nyameɛ kɔfa kotua me noa ne, ye ala yeɛ odi kyɛ meka ɔ.”

Numeri 23:20

Tie, saleɛ nwo dwirɛ yeɛ wafa wasoma me ɔ, wayira bɛ, yiti mengɔhora ye sesã.

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Asomafoɛ 1:22

fi Yohane asubɔlɛ ne aso kodwu kyẽa bɔ bɛfale Yesu befili yɛ wa bɛhɔle nyameɛso ne, ɔsɛ kyɛ bɛ nu ko baboka yɛ so maa yɛyɛ ye wutingyelɛ ne anwo adanzefoɛ.”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 18:5

Na mmerɛ bɔ Silase ne Timoteo befili Makedonia bɛwale ne, Pɔɔlo fale ye mmerɛ tole berɛ hane nzɛmba ne, na olili adanzeɛ hyirele Yudafoɛ nemɔ kyɛ Yesu ole Kristo ne.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 22:15

ɔnate kyɛ ɛkɔyɛ ye danzeniɛ nã ahã bɔ anwu ye ne bɔ ate ne ahyire mmenia mukoraa.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 5:32

Na yɛne Sunzum Krongron ne bɔ ɔte Nyameɛ akyɛdeɛ ma bɛ bɔ bɛyɛ sotie bɛma Nyameɛ ne yɛte edwirɛ he nwo adanzefoɛ.”