Asomafoɛ 4:2 - AHYERƐLƐ KRONGRON

² Bɛfɛle ɛyaa paa, ofikyɛ né asomafoɛ nyɔ ne yɛ ngyerɛkyerɛ bekyire mmenia nemɔ kyɛ Yesu awu atingye, bɔ odi adanzeɛ koso kyɛ awufoɛ kotingye ɔ.

Asomafoɛ 4:2 Iomraidhean Croise

Nehemia 2:10

Nakoso Horonniɛ Sanbalate ne Amonniɛ Tobia bɔ ɔte somvoɛ ne, bɛtele bɔ ɔkɔ so ne, ɔyɛle bɛ yea paa kyɛ ebie awa bɔ ɔbaapena Yisraelfoɛ bɛ yeeyɛlɛ ɔ.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 19:23

Sɔ mmerɛ ne anu, Atee ne ati basabasayɔlɛ wale Ɛfeso.

Asomafoɛ 24:21

sana nikyee komapɛ bɔ ngyinane bɛ nyunu berɛ ndeane nu ngane ɔ, kyɛ, ‘Awufoɛ ewutingyelɛ nwo yeɛ ɛmɔbua me ndɛen ɛnɛ ye.’ ”

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

Asomafoɛ 26:8

Na nzu ati yeɛ ɔyɛ se ma ɛmɔ, Yudafoɛ, kyɛ ɛmɔkole bekoli kyɛ Nyameɛ tingye awufoɛ ɔ?

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Romanfoɛ 8:11

Na sɛ ye bɔ otingyele Yesu fili awufoɛ nu ne ye Sunzum te ɛmɔ nu a, ye bɔ otingyele Kristo Yesu fili awufoɛ nu ne, ɔkɔma ɛmɔ nipadua bɔ owu ne ngoa, na ɔkɔfa ye Sunzum bɔ ɔte ɛmɔ nu ne aso yeɛ ɔkɔyɔ sɔ ɔ.

1 Korintofoɛ 15:23

Nakoso bekotingye ebiala wɔ ye nnidisoɛ so: Kristo bɔ ɔte bakaa mmaa bɔ oli moa ne, na afei bɛ bɔ bɛte Kristo deɛ wɔ mmerɛ bɔ ɔkɔye ye nwo ali ne, bɛ koso batoa so.