Asomafoɛ 4:19 - AHYERƐLƐ KRONGRON

¹⁹ Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 4:19 Iomraidhean Croise

1 Ahemvo 12:30

Na ɛhe ɔɔkakyili bɔne mane maen ne, ofikyɛ mmenia hɔle ko bɔ ɔwɔ Betel ne aso bɛsɔnene, yeɛ bɛhɔle ko bɔ ɔwɔ Dan ne koso aso bɛɛsɔnene.

1 Ahemvo 13:19

Na Nyameɛ sona ne sale ye si ɔne ye bɛhɔle ye awuro oodidili ɔnone nzue.

1 Ahemvo 14:16

Ɔnate Yeroboam bɔne bɔ wayɔ bɔ wahwe Yisrael maen maa bayɔ bie ne ati, AWURADE kɔye ye sa kofi Yisrael bo.”

1 Ahemvo 21:11

Nabɔto kuro berɛ ama, kuro berɛ mbanyi ne atitire nemɔ, belili ngraa bɔ Yesebɛl tole bɛ ne aso pɛpɛɛpɛ. Kyɛbɔ ɔhyerɛle ye wɔ ngrataa bɔ ɔfa brɛle bɛ ne anu ne,

1 Ahemvo 22:14

Nakoso Mikaya buale kyɛ, “Kyɛ AWURADE te ase ye, ngyi ye nyunu mekã kyɛ, edwirɛ bɔ AWURADE kɔfa kotua me noa ne, ye ala yeɛ ngɔhã ɔ.”

2 Ahemvo 16:15

Afei Nana Ahase fale ahyɛdeɛ mane ɔsɔfo Yuria kyɛ, “Ngyerɛmɔ naen yeralɛ afɔleɛ ne, nɔsoa aburoo afɔleɛ ne, Yuda hene ye naen yeralɛ afɔleɛ ne ɔne ye aburoo afɔleɛ ne, yeɛ afei maen ne anu ama amukoraa bɛ naen yeralɛ afɔleɛ, b’aburoo afɔleɛ ne anonneɛ afɔleɛ bɔ ɔboka so ne, odi kyɛ ɛbɔ ye wɔ afɔleɛ bokyea piri ne aso. Odi kyɛ ɛto naen yeralɛ afɔleɛ mogya ne amukoraa, ɔne afɔleɛ mogya ne amukoraa pete afɔleɛ bokyea ne anwo. Nakoso kɔɔbere afɔleɛ bokyea ne de, so yeɛ ngɔhɔ ngoobisa Nyameɛ noa dwirɛ ɔ.”

2 Ahemvo 16:16

Ɔsɔfo Yuria yɔle bɔ Nana Ahase hyɛle ye ne amukoraa.

Edwein 58:1

Ɛmɔ, tumifoɛ mɔ, edwirɛ bɔ ɛmɔka ne, aso ɔtengyɛ? Ao kuro mmenia, aso ɛmɔbua ndɛen turoloo?

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Yeremia 26:12

Yeɛ Yeremia sele mbanyi nemɔ amukoraa ne maen ne amukoraa kyɛ, “AWURADE yeɛ ɔsomane me kyɛ mva edwirɛ bɔ ɛmɔate ye amukoraa nhyɛ ngɔm ndia awuro he ɔne kuro he ɔ.

Daniel 3:18

Nakoso Nana, sɛ wanne yɛ po a, yɛ́maa enwu ye kyɛ yɛngɔso wɔ nyameɛ nemɔ, yeɛ yɛngɔsɔne sikaa kɔkorɛ amoen bɔ agyina ne.”

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Hosea 5:11

Bɛhyɛ Efraim so, babua ye fɔ wɔ ndɛenbualɛ nu, ofikyɛ ɔhyɛle da lili mmeraa mbaen mbaen si.

Amose 7:16

“Na afei tie AWURADE noa dwirɛ. Ɛnwa, ‘Nnɛhyɛ ngɔm tia Yisrael, yeɛ Yisake boso ama nwo dwirɛ bɔ ɔte mayee ne, nnɛbɔ ye dawure.’

Mika 6:16

Ofikyɛ edi Omri ahyɛdeɛ so, ɔne Ahabo boso ama yɔleɛ amukoraa so, yeɛ ɛmɔdi bɛ foɛtulɛ so. Ɔnate so ngɔmaa ɛkɔyɛ pasapasa, na ngɔma wɔ nu ama bɛkɔkakyi ngorohoɛ nikye. Yiti ɛmɔkɔsoa me maen animguaseɛ.

Mateo 22:21

Bebuale ye kyɛ, “Kaesare deɛ ɔ!” Yeɛ osele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.”

Luka 22:8

Na Yesu somane Petro ne Yohane kyɛ, “Ɛmɔhɔ beesiesie Abɔtra aleɛ ne bɛma yɛ, ná yɛɛli.”

Yohane 7:24

Nnɛma ɛmɔnea sona nyunu bebua ye ndɛen, na mmom ɛ́mɔbua ndɛen bɔ ɔtengyɛ ɔ!”

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 5:29

Yeɛ Petro ne asomafoɛ ngaa ne buale kyɛ, “Ɔsɛ kyɛ yɛtie Nyameɛ yɛtra kuro sona.

1 Korintofoɛ 10:15

Medwudwo mekyire ɛmɔ kyɛ mmenia bɔ bɛse nworɛ ɔ, yiti ɛmɔdwene bɔ mekã ye nwo.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

Ɛfesofoɛ 6:1

Mmaa, ɛ́mɔtie ɛmɔ awofoɛ dwirɛ wɔ Awurade nu, ofikyɛ sɔ yeɛ ɔte paa ɔ.

1 Timoteo 2:3

Na sɔ te paa, na ɔsɔ yɛ Ngoadefoɛ Nyameɛ nye,

Hebrifoɛ 11:23

Ɔnate gyidie so yeɛ mmerɛ bɔ bɛwole Mose nen, ye awofoɛ fale ye feale tonn bosome nza ɔ; ofikyɛ benwuni kyɛ ye nwo yɛ nyemene, na banzuro kyɛ bekobu ɛhene ne mmeraa ne aso ɔ.

Yakobo 2:4

aso né ɛhe ngyire kyɛ ɛmɔayɔ nyeyemuɛ, bɔ ɔmɔayɛ adwenemmɔne ndɛenbualɛfoɛ ɔ?