Asomafoɛ 4:18 - AHYERƐLƐ KRONGRON

¹⁸ Yiti bɛfrɛle bɛ maa besa bɛwale dwaa ne anu, na bɛberale bɛ kitii kyɛ atee biala nne berɛ kyɛ bekodwudwo anaakyɛ bɛkɔyɛ ngyerɛkyerɛ wɔ Yesu dumaa nu ɔ.

Asomafoɛ 4:18 Iomraidhean Croise

Ɛksadɔso 1:17

Nakoso né mmrasua bɔ bede aworɛ ne suro Nyameɛ, yiti banyɔ bɔ Misraim hene hyɛle bɛ kyɛ bɛyɔ ne, na mmom bɛmane mmienzua nemɔ nyane bɛ ti didili nu.

Amose 7:13

na mmom nnɛhyɛ ngɔm wɔ Betel ko. Ofikyɛ berɛ te Nana nekaa krongron, na osa te ahemvie.”

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 5:20

“Ɛmɔhɔ beegyina asɔneyɛɛ sua ne anu, ná ɛmɔbɔ sɔ ngoa foforɛ he amukoraa nwo dawure behyire mmenia.”

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 5:40

Yiti bɛfale ye foɛtulɛ ne. Na bɛfale asomafoɛ nemɔ besa bɛwale badwa nu berɛ nen, befini bɛ mbire, na bɛkanzole bɛ kitii kyɛ nnɛma bedwudwo wɔ Yesu dumaa nu, na bɛyakyili bɛ maa bɛhɔle.