Asomafoɛ 4:14 - AHYERƐLƐ KRONGRON

¹⁴ Na benwuni biaa bɔ wate apɔ bɔ ogyi bɛ nwo berɛ nen, bannya edwirɛ biala banga bandia bɛ.

Asomafoɛ 4:14 Iomraidhean Croise

Asomafoɛ 19:36

Ɔnate kyɛ biala ngɔhora ngosu ɛhe nwo aporowaa ne ati, ɛmɔma b’ahone ɔ́tɔ nzue nu, na nnɛma ɛmɔyɔ basabasa biala.

Asomafoɛ 4:10

ye de ɛmɔ amukoraa ne Yisrael maen amukoraa, ɔsɛ kyɛ Nasarɛteniɛ Yesu Kristo bɔ ɛmɔbɔle ye mmeamudua nu, ná Nyameɛ tingyele ye fili awufoɛ nu ne, ye dumaa nu yeɛ wama biaa he bɔ ogyi ɛmɔ nyunu wa ye ye nwo asa ɔ.

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 4:15

Yiti bɛmaa bɛhwene bɛ nwo befili badwa nu berɛ bɛhɔle ahameɛ, na bɛhɔle agyina

Asomafoɛ 4:16

bebisale bɛ nwo kyɛ, “Mmenia hemɔ koraa, nzikyɛ yeɛ yɛ́fa yɛ́yɛ bɛ ɔ? Ofikyɛ wala ali wɔ ebiala bɔ ɔwɔ Yerusalem ɔ nyunu kyɛ ɔnate bɛ so yeɛ sɛngyerɛnneɛ sonongo he wasi ɔ, na yɛngɔhora yɛngɔkata so.

Asomafoɛ 4:21

Yiti badwafoɛ ne nwunanwunane bɛ bieku, na bɛyakyili bɛ kyɛ bɛhɔ. Benwuni kyɛ bɛngɔhora ngogyina edwirɛ biala so ngɔhwe bɛ so, ofikyɛ né bɔ wasi ne ati ebiala ye Nyameɛ ayɛ.