Asomafoɛ 4:13 - AHYERƐLƐ KRONGRON

¹³ Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 4:13 Iomraidhean Croise

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Mateo 26:73

Wangyɛ biala, mmenia bɔ né begyigyi berɛ ne, bɛwale beesele Petro kyɛ, “Ɔte nahorɛ, wɔ koso ɛboka bɛ so, na wɔ dwudwolɛ koraa kyire sɔ!”

Luka 22:8

Na Yesu somane Petro ne Yohane kyɛ, “Ɛmɔhɔ beesiesie Abɔtra aleɛ ne bɛma yɛ, ná yɛɛli.”

Yohane 19:26

Na Yesu nwuni ye maame ne suaniɛ bɔ okuro ye dwirɛ paa ne kyɛ begyigyi berɛ nen, osele ye maame kyɛ, “Mmobraa, nea, ɛwa ɛhe!”

Yohane 7:15

Na ɔyɛle Yudafoɛ nemɔ nwanwa maa bɛhane kyɛ, “Ɔyɛle sɛɛ bɔ biaa he nyane nimdeɛ sɔa ɔ, wɔ aberɛ bɔ ossuane nwomaa biala ɔ?”

Yohane 7:49

Na mmenia hemɔ bɔ bɛnze mmeraa ne ne, ɛnomalɛ yeɛ banoma bɛ ɔ!”

Asomafoɛ 4:14

Na benwuni biaa bɔ wate apɔ bɔ ogyi bɛ nwo berɛ nen, bannya edwirɛ biala banga bandia bɛ.

Asomafoɛ 4:19

Na Petro ne Yohane buale bɛ kyɛ, “Sɛ ɔte paa wɔ Nyameɛ nyunu kyɛ yɛtie ɛmɔ yɛtra Nyameɛ a, nzaade ɛmɔ bɔbɔ ɛ́mbua;

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 9:27

Nakoso Banaba fale ye hɔle asomafoɛ nemɔ berɛ, na ɔmaa benwuni kyɛbɔ Sɔɔlo si nwuni Awurade wɔ atunu, ɔne kyɛ odwudwo hyirele ye ɔ, ɔne kyɛbɔ osili ye ahone hane nzɛmba ne wɔ Yesu dumaa nu wɔ Damasko ɔ.

Asomafoɛ 9:28

Afei Sɔɔlo ne asomafoɛ nemɔ bɛtenane, ɔne bɛ hyinini Yerusalem, na osili ye ahone hane nzɛmba ne wɔ Awurade dumaa nu.

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,

1 Korintofoɛ 14:25

Ye ti anu mvealeɛ nu dwirɛ kɔla ali, ɔkɔfa ye nyunu kobutu berɛ kɔsɔne Nyameɛ, ná wahã kyɛ Nyameɛ wɔ ɛmɔ nu amba.

2 Korintofoɛ 3:12

Na ɔnate kyɛ yanya sɔ anyelasoɛ ne ati, yɛkora yɛsi y’ahone yɛdwudwo.