Asomafoɛ 3:8 - AHYERƐLƐ KRONGRON

⁸ Ohuru gyinane ye gya so, ɔhyɛle ye bo natele, ɔne bɛ wurale asɔneyɛɛ sua ne anu, na ohuruhuruli yele Nyameɛ ayɛ.

Asomafoɛ 3:8 Iomraidhean Croise

Yesaya 35:6

bubuafoɛ bekohuruhuru kyɛ dabɔɔ, na emumu temverema kɔto ahurusi dwein. Ofikyɛ asue mɔ kopu kofi ɛserɛ so, yeɛ asue mmaa mmaa kopu kofi aseɛ pralaa so;

Luka 18:43

Na berɛ ne ala, onwuni nikye, na olili Yesu si hyɛle Nyameɛ animnyam. Na ɛlɔen ne amukoraa benwuni bɔ wasi nen, bɛ bɛyele Nyameɛ ayɛ.

Luka 6:23

Ɛ́mɔma ɛmɔ nye gye wɔ sɔ kyẽa ne, ná ɛmɔli ahurusi, ɔnate kyɛ ɛmɔ akatuaa te piri wɔ nyameɛso; na sɔ ala yeɛ bɛ nana mɔ bɛfa belili ngɔmhyɛlɛfoɛ nemɔ ɔ.

Yohane 5:14

Nziɛ ye, Yesu nwuni ye wɔ asɔneyɛɛ sua ne anu, na osele ye kyɛ “Nea, ate apɔ, nnɛyɔ bɔne ko, ná nikyee tɛɛ bɔ ɔtra ɛhe ɔ wanyɛ wɔ.”

Asomafoɛ 14:10

Yiti ɔteane nu sele ye kyɛ, “Dwɔso gyina wɔ gya so fɔngɔnn!” Na ohuru gyinane, na ɔnatele.

Asomafoɛ 19:16

Na biaa bɔ ole sunzummɔne ne te tɔle bɛ so bobɔle bɛ mukoraa pasaa maa bepurapurale, na bɛfale bɛ nwo bɛtole so bɛnwati befili sɔ awuro berɛ bɛhɔle.

Asomafoɛ 3:7

Na ɔsɔle biaa ne sa famaa ne mane ye so, na berɛ ne ala ye gya nu ne ye aporɛ so yɛle ye se.