Asomafoɛ 3:6 - AHYERƐLƐ KRONGRON

⁶ Na Petro sele ye kyɛ, “Ɛdwetɛ ne sikaa de, nnne bie, na bɔ nne ye ne yeɛ mefa mema wɔ ɔ. Nasarɛteniɛ Yesu Kristo dumaa nu, dwɔso nate!”

Asomafoɛ 3:6 Iomraidhean Croise

Mateo 10:9

Nnɛma ɛmɔfa sikaa kɔkorɛ, anaa ɛdwetɛ, anaa kɔɔbere bɛbɔ ɛmɔ abɔsoɛ nu,

Mateo 7:22

Na sɔ kyẽa ne, mmenia pee yeɛ bekose me kyɛ, ‘Awurade, Awurade, aso yamva wɔ dumaa yanhyɛ ngɔm; aso yamva wɔ dumaa yandu sunzummɔne mɔ; aso yamva wɔ dumaa yanyɔ anwanwadeɛ pee?’

Marko 14:8

Bɔ ɔkɔhora ye yɔ yeɛ wayɔ ye; wali moa wapopa me nipadua wafa wanwondɛ me sielɛ.

Marko 16:17

Na bɛ bɔ bede bedi ne, nzɛngyerɛnneɛ hemɔ yeɛ okoli bɛ si ɔ: Me dumaa nu, bekotutu sunzummɔne mɔ; bɛkɔhã edwudwolɛ foforɛ mɔ;

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 16:18

Afaneɛ ne yɔle sɔ alaa ngyẽa pee maa oodwuli kyɛ ɔyɛle Pɔɔlo ahomete, yiti ɔkakyili ye nwo sele sunzummɔne ne kyɛ, “Mehyɛ wɔ wɔ Yesu Kristo dumaa nu kyɛ fi ye nu fite!” Na berɛ ne ala sunzummɔne ne fili ye nu.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Asomafoɛ 3:5

Yiti ɔneane bɛ haa, na né ɔdwene kyɛ okonya nikyee bie kofi bɛ berɛ.

Asomafoɛ 3:7

Na ɔsɔle biaa ne sa famaa ne mane ye so, na berɛ ne ala ye gya nu ne ye aporɛ so yɛle ye se.

Asomafoɛ 4:10

ye de ɛmɔ amukoraa ne Yisrael maen amukoraa, ɔsɛ kyɛ Nasarɛteniɛ Yesu Kristo bɔ ɛmɔbɔle ye mmeamudua nu, ná Nyameɛ tingyele ye fili awufoɛ nu ne, ye dumaa nu yeɛ wama biaa he bɔ ogyi ɛmɔ nyunu wa ye ye nwo asa ɔ.

Asomafoɛ 4:7

Bɛfale bɛ beegyinane bɛ nyunu berɛ, na bebisale bɛ kyɛ, “Tumi beni yeɛ ɛmɔgyi so, anaa dumaa beni yeɛ ɛmɔfale so bɛyɔle sɔ nikyee ne ɔ?”

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

1 Korintofoɛ 4:11

Ɛnɛ ne ɛnɛ ye, ɛhɔen ne nzuhɔen ku yɛ, yɛ nwo la so, bɛkã yɛ mbire, yeɛ yɛlle amandena,

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

1 Petro 4:10

Na kyɛbɔ ɛmɔ nu biala wanya adom akyɛdeɛ ne, ɛ́mɔfa bɛ́so ɛmɔ nwo ɛmɔ nwo, kyɛ Nyameɛ adom ahoroɔ ne nwo neafoɛ paa mɔ.