Asomafoɛ 3:26 - AHYERƐLƐ KRONGRON

²⁶ Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 3:26 Iomraidhean Croise

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Yeremia 31:18

Amba, mate kyɛ Efraim ɔ́bɔ abubue kyɛ, ‘Ahwe me so, na manya asohwenɛ, kyɛ nandwie ba bɔ bennya bɛffale kɔnnua bɛttole ye kɔme ɔ. Maa nza mmra, na ngosa ngɔwa, ofikyɛ wɔ yeɛ ɛte AWURADE me Nyameɛ ɔ.

Mateo 1:21

Ɔkɔwo baa bienzua, né ato ye dumaa Yesu, ɔnate kyɛ ye yeɛ okole ye mmenia kofi bɛ bɔne nu ɔ.”

Mateo 15:24

Na Yesu buale kyɛ, “Mmoaen bɔ bamini bɔ bɛ ole Yisrael awuro ama ne, bɛ ngome bɛ berɛ yeɛ bɛsomane me ɔ.”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 4:22

Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 3:20

Na sɛ ɛmɔyɔ sɔ a, sunzum nu anwoserɛ kofi Awurade berɛ kɔwa; na ɔkɔsoma Yesu bɔ ye ole Kristo ne, bɔ waye ye wama ɛmɔ dada ne,

Asomafoɛ 3:22

Ofikyɛ Mose hane kyɛ, ‘Awurade, ɛmɔ Nyameɛ kɔsoma ngɔmhyɛlɛniɛ ko maa ɔkɔwa ɛmɔ berɛ kyɛbɔ wasoma me ne, na sɔ sona ne kɔyɛ ɛmɔ nu ko. Odi kyɛ ɛmɔtie ye na ɛmɔyɔ nikyee biala bɔ ɔkɔha kohyire ɛmɔ ne.

Asomafoɛ 3:25

Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 15:29

Na mese kyɛ meba ɛmɔ berɛ a, ngɔfa Kristo nzɛmba ne anu saleɛ mmorosoɛ yeɛ ngɔwa ɔ.

Romanfoɛ 15:8

Na mekã mekyire ɛmɔ kyɛ, Kristo yɛle somvoɛ mane bienzuapɛlɛfoɛ nemɔ fa hyirele Nyameɛ nahorɛlilɛ, kyɛ ɔma bɔhyɛ bɔ bɛhyɛle yɛ nana mɔ ne otindim,

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

1 Petro 3:9

Nnɛma ɛmɔfa bɔne betua bɔne so, anaa nzoaapepɛlɛ betua nzoaapepɛlɛ so; na mmom ɛ́mɔyirayira; ofikyɛ ɛhe ati yeɛ bɛfrɛle ɛmɔ ɔ, kyɛ ɛmɔɔnya saleɛ.

Yuda 1:24

Na ye bɔ ɔkora sɔ ɛmɔ nu ma ɛmɔmvi ase, ná ɔfa ɛmɔ gyina ye animnyam ne nyunu bɔ ngekalewa biala nne ɛmɔ nwo, wɔ anigye nu ne,