Asomafoɛ 3:24 - AHYERƐLƐ KRONGRON

²⁴ Ngɔmhyɛlɛfoɛ nemɔ amukoraa bɔ bɛso ngraa fi Samuel aberɛ so, ɔne bɛ bɔ bɛwale nziɛ ye ne, bɛbɔle bɔ ɔ́kɔ so ɛnɛ ye anwo dawure.

Asomafoɛ 3:24 Iomraidhean Croise

Edwein 99:6

Né Mose ne Aarɔn bɛboka ye asɔfo nemɔ aso; né Samuel boka bɛ bɔ bɛbɔ ye dumaa bɛsɔne ye nemɔ aso. Besu bɛfrɛle AWURADE, na otiele bɛ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Asomafoɛ 13:20

Ɛhe amukoraa hɔle so afoɛ kɔyɛ ɛyaa nna ne aburannu. Na ɛhe asi ne, Nyameɛ mane bɛ ndɛenbualɛfoɛ tonn maa oodwuli ngɔmhyɛlɛniɛ Samuel aberɛ so.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Romanfoɛ 3:21

Nakoso afei de, Nyameɛ ala ye tenenee ali bɔ wamva mmeraa ne aso ɔ; na mmeraa ne ne ngɔmhyɛlɛfoɛ nemɔ bedi ɛhe nwo adanzeɛ.

1 Samuel 2:18

Né Samuel de, ɔte akwadaa bɔ ɔso AWURADE ɔ. Né owura ɔsɔfo somvoɛ ataadeɛ bɔ ɔte nwera ɔ.

1 Samuel 3:1

Né abɛɛmaa Samuel wura Eli ndeteyɛɛ bo yeɛ ɔso AWURADE ɔ. Sɔ mmerɛ ne, né AWURADE dwirɛ nwo yɛ nna paa; yeɛ né mmenia koso bɛndaa bennwu nyekyire.

1 Samuel 3:20

Na Yisrael amukoraati, fite Dan bɔ ɔkwaadwu Beɛ Hyeba, benwuni kyɛ Samuel te AWURADE ngɔmhyɛlɛniɛ amba.