Asomafoɛ 3:23 - AHYERƐLƐ KRONGRON

²³ Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’

Asomafoɛ 3:23 Iomraidhean Croise

Lewitikɔso 23:29

Ebiala bɔ wangye hɔen sɔ kyẽa ne amukoraa ne, odi kyɛ bɛpɛ ye asue befi maen ne anu.

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Yohane 12:48

Sona bɔ ɔpo me ná onne me dwirɛ ndo nu ne, ole bɔ obua ye ndɛen ɔ; na me noa dwirɛ ne ala yeɛ okobua ye ndɛen wɔ ayieleɛ kyẽa ne ɔ.

Yohane 8:24

Ye sɔ ati yeɛ nzele ɛmɔ kyɛ, ɛmɔkowu ɛmɔ bɔne nu ne; na sɛ ɛmɔanne banni kyɛ me ole ye a, ɛmɔkowu ɛmɔ bɔne nu.”

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Deuteronomi 18:19

Na sona biala bɔ ondie me dwirɛ bɔ ngɔmhyɛlɛniɛ ne kɔha ye me dumaa nu nen, me bɔbɔ ngɔmaa okobu ye nwo ngondaa.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.