Asomafoɛ 3:2 - AHYERƐLƐ KRONGRON

² Né ebiemɔ bɛso biaa bie bɔ wabubu fi mmerɛ bɔ bɛwole ye ɔ, bɔ daa biala bɛfa ye bɛbato asɔneyɛɛ sua n’anoa bɔ bɛfrɛ ye Anoa Nyemene ne anyunu berɛ, kyɛ ɔsrɛsrɛ nikyee fi bɛ bɔ bɛkwaawura asɔneyɛɛ sua ne anu nemɔ berɛ.

Asomafoɛ 3:2 Iomraidhean Croise

Luka 16:20

Na ehianiɛ bie koso bɔ bɛfrɛ ye Lasarɔso bɔ ngena atutu ye nwo amukoraa ɔ ɔtenane ase. Né bɛfa ye bɛkɔto sikaniɛ n’anoanu berɛ.

Luka 18:35

Yesu pingyele Yeriko nen, né anyesiniwaaniɛ bie ɔte atee ne noa berɛ ɔsrɛsrɛ nikye.

Yohane 9:8

Na mandamu berɛ ama ne bɛ bɔ banwu ye le kyɛ mmerɛ bie né ɔsrɛsrɛ nikyee ne, bebisale kyɛ, “Nna biaa he yeɛ né ɔte berɛ ɔsrɛsrɛ nikyee ye?”

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 14:8

Né biaa bie wɔ Lisetra, opofo aseɛnwo, bɔ ɔngora ngyina ye gya so ɔ. Bɛwole ye bubuaniɛ, na né ɔnnatele le.

Asomafoɛ 3:10

na mmerɛ bɔ benwuni kyɛ ye yeɛ né ɔtena “Anoa Nyemene” ne anu ɔsrɛsrɛ sikaa nen, ɔyɛle bɛ nwanwa, na bɛ nwo dwirili bɛ wɔ ye tebea foforɛ bɔ wahɔ nu ne nwo.

Asomafoɛ 4:22

Biaa bɔ ɔnate anwanwadeɛ he aso nyane ayaresa nen, né ɔbo afoɛ aburanna.