Asomafoɛ 3:19 - AHYERƐLƐ KRONGRON

¹⁹ Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 3:19 Iomraidhean Croise

Edwein 103:12

Kyɛbɔ eyia afiteleɛ ne eyia atɔleɛ b’afia si wale ne, sɔ ala yeɛ wamaa yɛne yɛ mmeraatolɛ y’afia atete ɔ.

Edwein 51:13

Na afei ngohyire mmeraatolɛfoɛ w’atee, na bɔnefoɛ kosa kɔwa wɔ berɛ.

Edwein 51:9

Nnɛnea me bɔne bɔ mayɔ ɔ, na mmom kyikyi m’amumuyɛɛ amukoraa.

Yesaya 43:25

“Me, me ole bɔ ɔnate me bɔbɔ me ti mekyikyi wɔ mmeraatolɛ ɔ, na mengɔkaye wɔ bɔne.

Yesaya 44:22

Makyikyi wɔ mmeraatolɛ ne mafi berɛ kyɛ munungum kabii, ɔne wɔ bɔne mafi berɛ kyɛ munungum. Sa bra me berɛ, ofikyɛ maapɔ wɔ male wɔ.

Yesaya 51:11

Na bɛ bɔ AWURADE aapɔ bɛ ne, bekosa bɛkɔwa, bɛkɔfa ahurusililɛ bɛkɔwa Sion, anigye afebɔɔ kɔyɛ b’abotire; bekonya anika ne anwosɛpɛ, na aworabɔlɛ ne yealɛlilɛ kotu kofi bɛ so.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Yesaya 61:9

Bɛ boso ama konya dumaa piri wɔ maen maen mɔ nu, yeɛ bɛ mma koso bekonya dumaa piri wɔ maen maen mɔ nu; na ebiala bɔ okonwu bɛ ne, okole kɔto nu kyɛ bɛte maen bɔ AWURADE ayira ye ɔ.

Yeremia 36:3

Ebiaa Yuda awuro ama bɛkɔte musue amukoraa bɔ mayɛ m’adwene kyɛ ngɔprapra ngogua bɛ so ne, amaa ɔnate so ebiala asakyera ye adwene wafi ye bɔne atee nwo, ná mafa b’amumuyɛɛ ne bɛ bɔne mahyɛ bɛ.”

Yeremia 50:20

Na sɔ ngyẽa ne anu, sɔ mmerɛ ne, bɛkɔpena Yisrael amumuyɛɛ, nakoso bengonya bie; yeɛ bɛkɔpena Yuda ye bɔne, nakoso bengonwu bie, ofikyɛ bɛ bɔ ngɔmaa bɛkɔha wa ne, ngɔfa bɛ bɔne ngɔhyɛ bɛ, AWURADE noa dwirɛ ɛne.

Awuye 3:40

Ɛ́mɔma yɛneanea y’atee nu ná yɛpɛnzɛpɛnzɛ nu, ná yɛsa yɛbra AWURADE berɛ!

Awuye 5:21

Ao AWURADE, ma yɛ nye osa kakyi ɔbra wɔ berɛ, na yɛkosa yɛkɔwa. Maa yɛsa yɛpe yɛ daa nu.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Daniel 9:13

Kyɛbɔ bahyerɛ ye wɔ Mose mmeraa ne anu ne, musue he amukoraa atoto yɛ, nakoso yanzrɛ AWURADE yɛ Nyameɛ kyɛ onwu yɛ anwumvoin. Yɛhhwene yɛ nwo yɛffili yɛ amumuyɛɛ nwo, yeɛ yɛyyɛle yɛ adwene kyɛ yɛkotie wɔ nahorɛ ne ɔ.

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Yoel 2:13

Ɛ́mɔsunzua ɛmɔ ahone nu, na nna ɛmɔ ndaadeɛ nu ɔ, ná ɛ́mɔsa bɛbra AWURADE ɛmɔ Nyameɛ berɛ. Ofikyɛ ɔdo mmenia na ɔse anwumvoin; ye ahone nhu ndɛ, ye ɔdɔ bɔ onni ngasi ne ɔsone, na ɔsesã ye adwene ɔtwe bɔne nwo asohwenɛ sa.

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Mateo 18:3

na ɔhane kyɛ, “Nahorɛ nu, mekã mekyire ɛmɔ kyɛ, sɛ ɛmɔanzesã ná ɛmɔanyɛ kyɛ ngwadaa a, ɛmɔngɔhɔ nyameɛso ahennie ne anu le.

Luka 1:16

Na ɔkɔma Yisraelfoɛ pee bekosa bɛkɔwa Awurade bɛ Nyameɛ berɛ.

Luka 22:57

Nakoso ɔsale kyɛ, “Mmobraa, menze ye oo!”

Asomafoɛ 1:6

Mmerɛ bɔ asomafoɛ nemɔ ne Yesu yiale ne, bebisale ye kyɛ, “Awurade, yiti mmerɛ he anu yeɛ ekosa kɔfa Ahennie ne kɔma Yisrael anaa?”

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 28:27

Ofikyɛ maen he b’adwene ala, batuatua bɛ so, yeɛ bamuamua bɛ nye. Anyɛ a, né bɛ nye anwu nikye, né bɛ so ate dwirɛ, né b’adwene ate dwirɛ bo, ná basa bawa me berɛ maa masa bɛ anwonyerɛ.’ ”

Asomafoɛ 3:20

Na sɛ ɛmɔyɔ sɔ a, sunzum nu anwoserɛ kofi Awurade berɛ kɔwa; na ɔkɔsoma Yesu bɔ ye ole Kristo ne, bɔ waye ye wama ɛmɔ dada ne,

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

2 Tɛsalonika 1:10

Sɔ kyẽa ne, ɔkɔwa ma ye anwoteefoɛ kɔhyɛ ye animnyam, na agyidifoɛ mukoraa anwu ye anwanwa adwuma; ofikyɛ ɛmɔale yɛ adanzeɛ bɔ yɛli yɛhyirele ɛmɔ ne bali.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Hebrifoɛ 4:1

Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

2 Petro 3:8

Nakoso aliɛmaa mɔ, nnɛmɔma ɛmɔ wora fi sɔ dwirɛ he, kyɛ, ɛlɛho te kyɛ afoɛ apee wɔ Awurade nye so, yeɛ afoɛ apee te kyɛ ɛlɛho wɔ ye nye so.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.