Asomafoɛ 3:18 - AHYERƐLƐ KRONGRON

¹⁸ Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.

Asomafoɛ 3:18 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”