Asomafoɛ 3:17 - AHYERƐLƐ KRONGRON

¹⁷ “Na kekesaala ye de, aliɛmaa mɔ, mese kyɛ ɛselɛ bɔ ɛmɔnze ti yeɛ ɛmɔ ne ɛmɔ mbanyi mɔ bɛfale sɔ lili ye ɔ.

Asomafoɛ 3:17 Iomraidhean Croise

Gyenesise 21:26

Na Abimɛlɛke yele ye noa kyɛ, “Menze sona bɔ wayɔ sɔ nikyee ne; na wɔ koso anga angyire me. Nndele ye le, sana ɛnɛ ala.”

Gyenesise 39:8

Nakoso Yosef ambene, na osele ye mene aye ne kyɛ, “Eh, ɔnate me bɔ nwɔ wa ne ati, me mene ɔnha ye nwo wɔ awuro wa nikyee biala nwo; wafa ye nningyein amukoraati wawura me sa.

Gyenesise 44:15

Yosef bisale bɛ kyɛ, “Nzikyɛ nikyee yeɛ ɛmɔayɔ ye? Anaa ɛmɔnze kyɛ sona bɔ ɔte kyɛ me de, ɔse ase ɔ?”

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Numeri 22:6

Bra kekesaala ye ná baanoma mmenia ye mɔ ma me, ofikyɛ bɛ nwo yɛ se tra me. Ebiaa né mali bɛ so ngonim ná mafoa bɛ mafi aseɛ ye aso. Ofikyɛ mese kyɛ ebiala bɔ ekoyira ye ne, okonya saleɛ, na ebiala bɔ ɛkɔnoma ye ne, musue kɔto ye.”

Luka 23:13

Afei Pilato frɛle asɔfo mbanyi nemɔ, maen mbanyi ne ɛlɔen ne maa beyiale,

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 16:3

Na bɛkɔfa sɔ dwirɛ nemɔ bekoli ɛmɔ, ofikyɛ bennya bennwuni Baba ne anaa me.

Yohane 7:52

Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.” [

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Asomafoɛ 22:5

na ɔsɔfo panyi paa ɔne badwafoɛ ne amu di me adanzeɛ. Nyane tumi ngrataa mvili bɛ berɛ kyɛ mekwaafa mema me mmango Yudafoɛ bɔ bɛwɔ Damasko. Yiti nzili nu kyɛ mekwaahye berɛ agyidifoɛ na mefa bɛ meba Yerusalem maa bɛtwe bɛ so.

Asomafoɛ 26:9

“Me bɔbɔ nyɛle kyɛ odi kyɛ meyɔ nningyein pee mefa meko metia Nasarɛteniɛ Yesu ne dumaa.

Asomafoɛ 28:21

Na besele ye kyɛ, “Yɛnnyane krataa biala bɔ ɔfa wɔ nwo yɛffili Yudea; asa koso aliɛmaa mɔ bɔ befi dɔ bɛba ne anu biala nne berɛ bɔ waabɔ amaneɛ, anaakyɛ waahã wɔ nwo dwirɛ tɛɛ ɔ.

Asomafoɛ 7:40

Na bɛhã behyirele Aarɔn kyɛ, ‘Yɔ mmosoen bɔ bekoli yɛ nyunu ɔ ma yɛ, na sɔ Mose he bɔ ɔyele yɛ fili Misraim aseɛ so ne de, yɛngora nnwu nikyee bɔ wayɛ ye ɔ.’

Romanfoɛ 11:2

Nyameɛ de, ɔppole ye maen bɔ onwuni bɛ siele dada ne. Aso ɛmɔnze edwirɛ bɔ Ahyerɛlɛ ne kã fa Elia nwo, kyɛbɔ ɔbɔle Yisrael kwaadu hyirele Nyameɛ ne?

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

2 Korintofoɛ 3:14

Nakoso b’adwene lili naakye, bɔ ɛnɛ ne ɛnɛ ye po sɛ bɛkenga apam daa ne a, ngatanyunu komapɛ ne ala tɛwɔ berɛ bɔ bennya bɛyyele ɔ, ofikyɛ sana Kristo nu angome yeɛ ngatanyunu ne ye fi berɛ ɔ.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

Filipifoɛ 1:22

Na sɛ ase bɔ nde wɔ anwoɔnaen nu ye, yeɛ ɔmaa menya ngɔsoɛ wɔ m’adwuma nu a, ye de né mennwu bɛ nu horɛ bɔ mva ɔ.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.