Asomafoɛ 3:15 - AHYERƐLƐ KRONGRON

¹⁵ Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 3:15 Iomraidhean Croise

Luka 24:48

Ɛmɔte ɛhemɔ nwo adanzefoɛ.

Yohane 1:4

Ye nu yeɛ ngoa wɔ ɔ; na ngoa ne te mmenia kanea.

Yohane 10:28

Mema bɛ daa ngoa, na bengomini le; na ebiala ngofoti bɛ ngofi me sa nu.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 17:2

kyɛbɔ ama ye tumi wɔ anwoɔnaen amukoraa so, kyɛ ɔma ebiala bɔ afa ama ye ne daa ngoa ne.

Yohane 4:10

Na Yesu buale ye kyɛ, “Sɛ ɛse Nyameɛ akyɛdeɛ ne, ɔne bɔ ɔkã kyire wɔ kyɛ, ‘Ma me nzue ne bie ma nno’ a, ahaa asrɛ ye, ná wama wɔ ngoa nzue.”

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Asomafoɛ 1:22

fi Yohane asubɔlɛ ne aso kodwu kyẽa bɔ bɛfale Yesu befili yɛ wa bɛhɔle nyameɛso ne, ɔsɛ kyɛ bɛ nu ko baboka yɛ so maa yɛyɛ ye wutingyelɛ ne anwo adanzefoɛ.”

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 4:2

Bɛfɛle ɛyaa paa, ofikyɛ né asomafoɛ nyɔ ne yɛ ngyerɛkyerɛ bekyire mmenia nemɔ kyɛ Yesu awu atingye, bɔ odi adanzeɛ koso kyɛ awufoɛ kotingye ɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

1 Korintofoɛ 15:45

Ofikyɛ bahyerɛ kyɛ, “Adam bɔ oli moa ne ɔɔyɛle ɛkra teasefoɛ;” na Adam bɔ oli nziɛ ne ɔɔyɛle sunzum bɔ ɔma ngoa ɔ.

Ɛfesofoɛ 1:20

bɔ ɔfa lili dwumaa wɔ Kristo nu, wɔ mmerɛ bɔ otingyele ye fili awufoɛ nu ne ɔte ne. Ɔfale ye ɔɔtenane ye sa famaa so wɔ nyameɛso,

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Hebrifoɛ 5:9

na olili mu yiele nen, ɔɔyɛle ngoa bɔ olle ayieleɛ ti mane bɛ bɔ bɛyɔ sotie bɛma ye nemɔ amukoraa,

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.