Asomafoɛ 3:14 - AHYERƐLƐ KRONGRON

¹⁴ Ɛmɔpole Krongronniɛ ne Teneneeniɛ ne, na mmom ɛmɔpale kyerɛ maa bɛyakyili kodiawuniɛ ne bɛmane ɛmɔ.

Asomafoɛ 3:14 Iomraidhean Croise

Edwein 16:10

Ofikyɛ ɛngɔma me kra ngɔha ɛborɔ, yeɛ ɛngɔma w’anwoteeniɛ ne ngɔporɔ ɛborɔ kumaa nu.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 27:20

Yeɛ asɔfo mbanyi ne maen mbanyi nemɔ bɛyele bɛ nye bewurale ɛlɔen ne kyɛ bɛsrɛ ma ɔyakyi Baraba, ná behũ Yesu.

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 15:11

Nakoso asɔfo mbanyi nemɔ pesa wurale ɛlɔen ne noa maa bɛsrɛle ye kyɛ ɔyakyi Baraba mmom ma bɛ.

Marko 15:7

Né kukunufoɛ biemɔ wɔ berɛ bɔ babɔ bɛ panwu ɔ. Né bali awue wɔ basabasa bɔ bɛyɛ betiale awaen ne anu, na né biaa bie bɔ bɛfrɛ ye Baraba ɔ ɔboka bɛ so.

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 23:25

Na ɔyakyili biaa bɔ ɔnate ɛlɔenyɛlɛ ne awuelilɛ ti bafa ye bato kuku nu ne mane bɛ, kyɛbɔ bɛsrɛle ye ne ala; nakoso Yesu de, ɔyele ye mane bɛ kyɛbɔ bɛpena ne.

Yohane 16:10

tenenee nwo, ofikyɛ mékɔ me Baba ne berɛ, na ɛmɔngonwu me ko;

Yohane 18:40

Na bɛteateane nu bieku kyɛ, “Nna akoaa he ɔ, na mmom Baraba!” (Né Baraba te awerɔm awueniɛ.)

Asomafoɛ 13:28

Ɔwɔ nu kyɛ bannya edwirɛ biala bangyina so bamva bammua ye kumfɔ de, nakoso bɛsrɛle Pilato kyɛ ɔma behũ ye.

Asomafoɛ 2:27

Ofikyɛ ɛngɔyakyi me kra ma ɔngɔha ɛborɔ, yeɛ ɛngɔma wɔ Krongronniɛ ne ɔngɔporɔ wɔ ngɔporɔ ɛborɔ kumaa nu.

Asomafoɛ 22:14

Na ɔhane kyɛ, ‘Yɛ nana mɔ Nyameɛ ne, waneanea nu waye wɔ kyɛ enwu ye apɛdeɛ, ná enwu ye Teneneeniɛ ne, na ɛte ye bɔbɔ ye noa nu dwirɛ,

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

Asomafoɛ 5:28

“Aso yammera ɛmɔ kitii kyɛ nnɛma ɛmɔyɛ ngyerɛkyerɛ wɔ sɔ sona he dumaa nu anaa? Nakoso ɛmɔama ɛmɔ ngyerɛkyerɛ ne ato apete Yerusalem amukoraa, na ɛmɔpena kyɛ bɛma sɔ sona he wue ne bɔ yɛ ti so!”

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Yakobo 5:6

Ɛmɔabua teneneeniɛ foɛ bahũ ye, wɔ aberɛ bɔ onzi ɛmɔ ate ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

Nyekyire 3:7

“Kyerɛ kɔma Filadɛɛfia asɔre ne anu abɔfo ne kyɛ, ‘Krongronniɛ ne nahorɛniɛ ne, bɔ otira Dawide safoaa ne, bɔ obukye a ebiala ndo nu, bɔ ɔto nu a ebiala mmukye ne, ye noa dwirɛ ɛhe: