Asomafoɛ 3:12 - AHYERƐLƐ KRONGRON

¹² Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Asomafoɛ 3:12 Iomraidhean Croise

Gyenesise 40:8

Na bebuale ye kyɛ, “Yahyehye laleɛ, nakoso yɛnnya sona maa ongyire yɛ bɛ bo.” Yeɛ Yosef sele bɛ kyɛ, “Aso nna Nyameɛ ala yeɛ ɔkora kyire laleɛ bo ɔ? Mesrɛ ɛmɔ, ɛ́mɔhã laleɛ ne behyire me.”

Gyenesise 41:16

Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”

Yohane 7:18

Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 3:11

Biaa ne te hale Petro ne Yohane so wɔ nekaa bie bɔ bɛfrɛ berɛ Solomon Abrannaa nu, na ɔyɛle mmenia ne amu nwanwa; yiti bɛbɔle twi bɛhɔle bɛ nwo berɛ.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

Romanfoɛ 9:4

Bɛte Yisraelfoɛ bɔ baayɛlɛ, animnyam, apam nemɔ, mmeraahyehyɛlɛ, ɛsɔnenɛ ne bɔhyɛ nemɔ bɛte bɛ deɛ ɔ.

2 Korintofoɛ 3:5

nna kyɛ yɛfata kyɛ yɛsusu kyɛ yɛ bɔbɔ yɛ mmɔdenbɔlɛ yeɛ yɛfa yɛyɔ nikyee bie ɔ, na mmom yeɛ mmɔdenbɔlɛ ne fi Nyameɛ berɛ.

Nyekyire 7:13

Na afei mbanyi nemɔ nu ko bisale me kyɛ, “Ɛhemɔ bɔ bewura ndaadeɛ fufue ye, nwa mɔ ɛne, na nisua yeɛ befi bɛwale ɔ?”