Asomafoɛ 3:1 - AHYERƐLƐ KRONGRON

¹ Ɛlɛho bie, ɔbɔle eyia nnɔnmmiɛnza bɔ ɔte dɔnhwere bɔ bɛbɔ mbaeɛ wɔ nu ne, Petro ne Yohane besili nu kyɛ bɛkɔ asɔneyɛɛ sua ne anu.

Asomafoɛ 3:1 Iomraidhean Croise

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Ɛksadɔso 29:39

Fa boaen akrɔngrɔma ko bɔ afɔleɛ ngyerɛmɔ, ná fa ko ne koso bɔ afɔleɛ nɔsoa.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Numeri 28:4

Fa boaen nyii ko bɔ afɔleɛ ngyerɛmɔ ná fa ko ne koso bɔ afɔleɛ nɔsoa.

Mateo 17:1

Na ye elesia asi ne, Yesu fale Petro ne Yakobo ne oliɛma Yohane bokale ye nwo so, na ɔfale bɛ hɔle bokaa tendenn bie aso.

Mateo 26:37

Na ɔfale Petro ne Sebedeo mma nyɔ nemɔ ɔbokale ye nwo so, na aworabɔlɛ ne ahunundetelɛ hyɛle ye bo tɔle ye so.

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Luka 1:10

Na mmerɛ bɔ ɔ́yera ɛyɛɛ ne nen, né ɛlɔen ne amukoraa bɛwɔ aluo dɔ bɛbɔ mbaeɛ.

Luka 18:10

“Mmenia nyɔ hɔle asɔneyɛɛ sua nu bɛɛbɔle mbaeɛ; ko te Farasiiniɛ, yeɛ ko wora ɔte ɛtoɔdidelɛniɛ.

Luka 22:8

Na Yesu somane Petro ne Yohane kyɛ, “Ɛmɔhɔ beesiesie Abɔtra aleɛ ne bɛma yɛ, ná yɛɛli.”

Luka 24:53

Na daa biala né bɛwɔ asɔneyɛɛ sua nu berɛ bɛye Nyameɛ ayɛ.

Yohane 21:7

Yeɛ suaniɛ bɔ Yesu kuro ye dwirɛ paa ne, osele Petro kyɛ, “Awurade ɔ!” Na Simɔn Petro tele kyɛ Awurade ahɔ nen, ɔfale ye ataadeɛ aguasoɛ ne wurale (ɔnate kyɛ né waye ye nwo), na ohuruli ye nwo tole ɛpo ne anu.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 3:3

Na onwuni Petro ne Yohane kyɛ bɛkɔ asɔneyɛɛ sua ne anu nen, ɔsrɛle bɛ kyɛ benwu ye anwumvoin ná bɛto ye sa nu.

Asomafoɛ 3:4

Bɛneane ye haa, na Petro sele ye kyɛ, “Nea yɛ!”

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 5:25

Yeɛ ebie wale badwafoɛ ne berɛ ɔɔbɔle bɛ amaneɛ kyɛ, “Ɛmɔtie! Mmenia nemɔ bɔ ɛmɔhyele bɛ beguale kuku nu nen, begyigyi asɔneyɛɛ sua ne anu dɔ bɛyɛ ngyerɛkyerɛ bekyire mmenia.”

Asomafoɛ 8:14

Asomafoɛ bɔ né bɛwɔ Yerusalem ne, bɛtele kyɛ Samariafoɛ basɔ Nyameɛ dwirɛ ne anu nen, bɛsomane Petro ne Yohane maa bɛhɔle bɛ berɛ.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.