Asomafoɛ 28:26 - AHYERƐLƐ KRONGRON

²⁶ Ɔnwa: ‘Kɔhã kyire mmenia hemɔ kyɛ, Ye tielɛ de ɛmɔkotie, nakoso ɛmɔngɔte ye bo; ye nealɛ de ɛmɔkɔnea, nakoso ɛmɔngonwu ye.

Asomafoɛ 28:26 Iomraidhean Croise

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yesaya 29:14

yiti, tie, ngɔhɔ so ngɔyɔ nikyee bɔ ɔyɛ nwanwa bɔ ɔkɔma me maen he nwo kodwiri ye ɔ. Bɛ nworɛfoɛ nemɔ, bɛ nworɛ kɔyɛ mbaen, na bɛ badwemma mɔ bɛ nworɛ ne, so kɔkata.”

Yesaya 66:4

Na me koso, ngɔneanea nu ngɔye asohwenɛ ngɔma bɛ, na bɔ besuro ne yeɛ ngɔmaa ɔkɔto bɛ ɔ; ofikyɛ mvrɛle ne, ebiala andɛ me so, ndwudwole ne, bandie, na mmom bɛyɔle bɔ ɔte bɔne wɔ me nye so ɔ, yeɛ bɔ me nye ngye ye nwo ne yeɛ bɛfale ɔ.”

Yeremia 5:21

“Ɛ́mɔtie ɛhe, mmenia ngwaseafoɛ bɔ ɛmɔlle adwene ɔ, mmenia bɔ bele anyeɛ, nakoso bennwu nikye ɔ, bɔ bele asoɛ, nakoso bɛnde dwirɛ ɔ.

Hesekiel 12:2

“Sona awa, abusua bɔ bayɛ lɔen ɔ yeɛ ɛte bɛ nu ɔ. Bɛte mmenia bɔ bele anyeɛ bɔ odi kyɛ onwu nikye, nakoso bennwu nikye; bele asoɛ bɔ odi kyɛ ɔte dwirɛ, nakoso bɛnde dwirɛ, ofikyɛ bɛte ɛlɔenyɛlɛ abusua.

Marko 4:12

Na enwunɛ de, bekonwu ye, nakoso bengonwu nu; yeɛ ɛtelɛ de bɛkɔte, nakoso bɛngɔte ye bo, ná kyẽa bie banzakyera maa bamva bɛ bɔne bangyɛ bɛ.”

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Luka 24:45

Afei obukyele b’adwene nu maa bɛtele Ahyerɛlɛ ne abo.

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Deuteronomi 29:4

Nakoso ɛnɛ ne ɛnɛ ye po, AWURADE nnya mmane ɛmɔ adwene bɔ ɔte edwirɛ (hemɔ) bo ɔ, anaa anyeɛ bɔ onwu nikye ɔ, anaa asoɛ bɔ ɔte dwirɛ ɔ.