Asomafoɛ 28:15 - AHYERƐLƐ KRONGRON

¹⁵ Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.

Asomafoɛ 28:15 Iomraidhean Croise

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Ɛksadɔso 4:14

Afei AWURADE fɛle Mose so yaa maa ɔhane kyɛ, “Eliɛma Aarɔn, bɔ ɔte Lewiniɛ ne, ɔnne berɛ hɔ ɔ? Mese kyɛ ye noa ate. Tie, wasi nu ɔbaayia wɔ, na sɛ onwu wɔ a, ɔkɔyɛ ye fɛ soma.

Yohane 12:13

Yiti bɛfale ɛberɛ, na bɛhɔle kyɛ bɛkwaayia ye, na bɛbɔle ese kyɛ, “Hosana! Saleɛ ole bɔ ɔnate Awurade dumaa nu ɔ́ba ye, Yisrael Hene ne!”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 10:25

Na mmerɛ bɔ Petro yɛle kyɛ owura awuro ne anu ne, Kɔneleo hɔle ooyiale ye, na ɔtole ye nwo yele ye gya bo sɔnene ye.

Asomafoɛ 11:1

Na asomafoɛ nemɔ ne aliɛmaa mɔ bɔ bɛwɔ Yudea ne bɛtele kyɛ Amaenmaensofoɛ nemɔ koso bale Nyameɛ dwirɛ ne bali.

Asomafoɛ 11:12

Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 21:5

Nakoso yɛ ngyẽa bɔ yɛdi ye berɛ ne sone nen, yɛfili berɛ yɛtoale yɛ ateetulɛ ne aso. Bɛ mukoraa bɛ ne bɛ ye mɔ ne bɛ mma mɔ beesomane yɛ ate maa yɛfili kuro ne anu, na yɛkotole mboanoa berɛ yɛbɔle mbaeɛ yɛ ne yɛ nwo yɛ nwo lili ngraa.

Asomafoɛ 28:14

Yɛnwuni agyidifoɛ biemɔ berɛ, na bɛsrɛle yɛ kyɛ yɛli bɛ nwo berɛ ɛlɛsoo. Yiti yɛɛdwuli Rome.

Romanfoɛ 15:24

Na mekuro kyɛ mebaasẽ mekɔ Sepania a, ngɔwa ɛmɔ berɛ, ná manya ɛmɔ nwo anika mmerɛ kãa, ná afei ɛmɔaboka me maa matoa m’ateetulɛ ne aso mahɔ berɛ.

2 Korintofoɛ 2:14

Nyameɛ bɔ daa ɔmaa yɛdi ngonim wɔ Kristo nu, ná afei osa fa yɛ so ma ye nwo nimdeɛ woroworo nekaa biala kyɛ ayirefona ne, yɛda ye ase.

Galatiafoɛ 4:14

Ɔwɔ nu kyɛ m’anwonyerɛ ne yɛle nzɔhwɛ mane ɛmɔ, nakoso ɛmɔammu me animtia, yeɛ ɛmɔambo me; na mmom ɛmɔlele me nyemene so kyɛ nyameɛso abɔfo, kyɛ ɛmɔkɔyɛ Kristo Yesu ne ala.

1 Tɛsalonikafoɛ 3:7

Yiti aliɛmaa mɔ, y’anwokyere ne amaneɛnwunɛ mukoraa nu ne, ɛmɔ gyidie ne amaa yanya ɛmɔ nwo aworakyekyerɛ;

Hebrifoɛ 13:3

Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.