Biblia Todo Logo
Bìoball air-loidhne

- Sanasan -




Asomafoɛ 28:14 - AHYERƐLƐ KRONGRON

14 Yɛnwuni agyidifoɛ biemɔ berɛ, na bɛsrɛle yɛ kyɛ yɛli bɛ nwo berɛ ɛlɛsoo. Yiti yɛɛdwuli Rome.

Faic an caibideil Dèan lethbhreac




Asomafoɛ 28:14
17 Iomraidhean Croise  

Ofikyɛ waha ɛlɛsoo né metɔ nzue megua aseɛ so eyia ne kɔngɔen sɔ alaa eleburanna. Na nikyee biala bɔ mayɔ bɔ ngoa wɔ nu ne, ngokyikyi ngofi aseɛ so.


Bɛ bɔ besuro wɔ ne, yeɛ bɛ bɔ bedi w’ahyɛdeɛ so ne, nde bɛ mukoraa bɛ biɛngo.


“Kuro anaa akuraa biala bɔ ɛmɔkɔhɔ nu ne, ɛ́mɔpena sona bɔ okole ɛmɔ ɔ, na ɛmɔ ne ye bɛ́tena berɛ kɔpem mmerɛ bɔ ɛmɔkofi berɛ bɛkɔhɔ ɔ.


Na edwirɛ he trɛle aliɛmaa nemɔ anu kyɛ sɔ suaniɛ ne ongowu; nakoso Yesu anga angyire ye kyɛ ongowu, na mmom ɔhane kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu?”


Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,


Mmerɛ bɔ né Apolo wɔ Korinto nen, Pɔɔlo hyinini manzini ne anu tonn oofitele Ɛfeso. Onwuni agyidifoɛ biemɔ wɔ berɛ,


na yɛ koso de, Paanoo kabrɛdi aluolue ne pɛle nu ne, yɛfale ɛlɛen yɛfili Filipi, na ye elennu ne aso yɛɛtole bɛ wɔ Troase, na yɛlili berɛ ɛlɛsoo.


Yɛnwuni agyidifoɛ biemɔ berɛ, na yɛne bɛ yɛɛtenane ɛlɛsoo, na bɛfale Sunzum ne so bɛha behyirele Pɔɔlo kyɛ nnɛmaa ɔkɔ Yerusalem.


Yɛfili berɛ yɛkondone y’atee ne alaa yɛɛdwuli kuro bie bɔ bɛfrɛ ye Regyiom so. Aleɛ hyene ne, mvrama bie bɔle fili ngwaen, na ye elenyɔ ne aso yɛɛdwuli kuro bie bɔ bɛfrɛ ye Puteoli so.


Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.


Na besele ye kyɛ, “Yɛnnyane krataa biala bɔ ɔfa wɔ nwo yɛffili Yudea; asa koso aliɛmaa mɔ bɔ befi dɔ bɛba ne anu biala nne berɛ bɔ waabɔ amaneɛ, anaakyɛ waahã wɔ nwo dwirɛ tɛɛ ɔ.


Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,


Mmerɛ bɔ agyidifoɛ nemɔ tele sɔ dwirɛ nen, bɛfale Sɔɔlo bɛhɔle Kaesarea, na bɛmaa ɔhɔle Taaso.


Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.


Lean sinn:

Sanasan


Sanasan