Asomafoɛ 28:11 - AHYERƐLƐ KRONGRON

¹¹ Bosome nza pɛle nu, na afei yɛfole ɛlɛen bie bɔ “Bosoen Ndaa” sɛngyerɛnneɛ bɔ ye nyunu, bɔ ofi Aleksandria yɛhɔle. Né ɛlɛen ne ali prakasua mmerɛ ne wɔ supɔ ne aso.

Asomafoɛ 28:11 Iomraidhean Croise

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yona 1:16

Yeɛ mmenia nemɔ surole AWURADE paa, na bɛbobɔle afɔleɛ bɛmane AWURADE, na bɛbobɔle ye anohoba.

Yona 1:5

Afei né ɛlɛenhanɛfoɛ nemɔ besuro. Yiti bɛ nu biala sũ frɛle ye nyameɛ, na befindini ɛlɛen ne anu nningyein beguale ɛpo ne anu, kyɛbɔ ɔkɔmaa ɛlɛen ne anu kɔyɛ nyera ɔ. Nakoso Yona de, né wadwu wahɔ ɛlɛen ne akunu dɔ paa waala hatee.

Asomafoɛ 13:6

Bɛpɛle nu supɔ ne aso beedwuli Pafɔso, na benwuni ngonyaayelɛniɛ bie bɔ ɔte Yudaniɛ ngɔmhyɛlɛniɛ ngondomboniɛ, bɔ ye dumaa li Bar Yesu ɔ.

Asomafoɛ 27:6

Berɛ yeɛ asraafoɛ ɛyaa so panyi ne nwuni ɛlɛen bie bɔ ofi Aleksandria kyɛ ɔkɔ Yitalia ɔ, na ɔmaa yɛɛfole.

Asomafoɛ 28:10

Bɛhyɛle yɛ nningyein pee paa, na nziɛ ye yɛfi berɛ yɛkɔ ne, bɛmane yɛ nningyein bɔ yɛkohia wɔ yɛ ateetulɛ ne anu ɔ.

Asomafoɛ 28:12

Yɛɛgyinane kuro bie bɔ bɛfrɛ ye Sirako so, na yɛlili berɛ ɛlɛsa.

Asomafoɛ 6:9

Na mmenia bie bɔ banya fawɔnwodi bafi ngoaasolɛ nu, na bɛtaa bɛkɔ nyianu sua nu ne, bɛ ne ye amva anyeɛ. Sɔ mmenia ne te Yudafoɛ bɔ befi Kirene ne Aleksandria, na ebiemɔ koso te Yudafoɛ bɔ befi Kilikia ne Asia, na bɛhyɛle ye bo bɛ ne Setefano suli aporowaa.

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.