Asomafoɛ 27:42 - AHYERƐLƐ KRONGRON

⁴² Asraafoɛ nemɔ bɔle porɛ kyɛ bekohu kukunufoɛ ne ná bɛ nu biala wammia wannwati wangɔ.

Asomafoɛ 27:42 Iomraidhean Croise

Edwein 74:20

Kaye apam ne, ofikyɛ aseɛ ne aso nekaa bɔ wayɛ awosii kabii ne, nzɛmmɔnelilɛ ayi berɛ tɛkyɛ.

Anyandera 12:10

Teneneeniɛ ɔdwene ye nyɛmmoa nwo, nakoso bɔnefoɛ de, ye anwumvoinnwunɛ po ɔte atianuserɛ.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Asomafoɛ 12:19

Herode hane bɛ so kyɛ bɛpena ye, nakoso bannwu ye. Yiti obisale awɛmvoɛ ne kyɛbɔ osi yɛle bɔ Petro nne berɛ ne, na ɔhyɛle kyɛ behũ bɛ. Ɛhe asi ne, Herode fili Yudea hɔle Kaesarea ɔɔtenane berɛ kãa.

Asomafoɛ 27:24

na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

Asomafoɛ 27:41

Nakoso ɛlɛen ne fofole anweaa sire bie aso, na ɔhale berɛ; ye ti ne timuni bɔ betu ye a ondu ɔ, na asorɔkye bɔ né ɔbɔ serɛserɛ ne koso bubuli ye bo ne.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.