Asomafoɛ 27:29 - AHYERƐLƐ KRONGRON

²⁹ Né besuro kyɛ yɛkɔɔfofo nyɔbotaen bie so; yiti bɛyakyili sɛkyɛ nna nu befili ɛlɛen ne abo dɔ beguale nzue ne anu, na yɛfa yɛnwondɛle alehyeleɛ.

Asomafoɛ 27:29 Iomraidhean Croise

Edwein 130:6

Me kra nye la AWURADE so tra awɛmvoɛ mɔ bɔ bɛnea alehyeleɛ ate ɔ, yoo, ɔtra awɛmvoɛ mɔ bɔ bɛnea alehyeleɛ ate ɔ.

Asomafoɛ 27:17

Bɛpagyale ɛlɛen ba ne, na bɛkyekyele bɛbɔle ɛlɛen piri ne. Né besuro kyɛ ɛlɛen ne kɔɔfofo (Libia mboanoa) Anweaa sire ne aso, yiti bɛfandili bɔ ɔsosɔ ɛlɛen ne anu maa mvrama ne fale ye hɔle.

Asomafoɛ 27:26

Nakoso ɔsɛ kyɛ mvrama ne bɔ yɛ kogua supɔ bie aso.”

Asomafoɛ 27:28

Yiti bɛyakyili nyamaa nu beguale nzue ne anu bɛfa besusuli, na benwuni kyɛ buma ne bo te abasanu aburanyɔ. Yɛhɔle yɛ nyunu kãa nen, besa besusuli nzue ne, na benwuni kyɛ ɔte abasanu buru ne nnu.

Asomafoɛ 27:30

Afei ɛlɛenhanɛfoɛ nemɔ yɛle kyɛ bɛnwati befi ɛlɛen ne anu; yiti bɛyakyili ɛlɛen ba ne anu bɛtole nzue ne anu, na bɛyɛle kanda nikyee bie kyɛ bɛkwaayakyi sɛkyɛ nemɔ nu begua nzue ne anu wɔ y’ɛlɛen ne nyunu dɔ.

Deuteronomi 28:67

Aleɛ kye ngyerɛmɔ a, ɛkɔha kyɛ, ‘Me kunu a ahaa aleɛ adwo!’ yeɛ aleɛ dwo koso a, ɛkɔha kyɛ, ‘Me kunu a ahaa aleɛ ahye!’ ɔnate wɔ kunu bɔ ɔkɔtete wɔ, ɔne nningyein bɔ wɔ nye konwu ye ne ati.

Hebrifoɛ 6:19

Na anyelasoɛ he te sɛkyɛ bɔ otira yɛ kra nu ɔ; ɔnde, na ɔkɔworo ɛtena bɔ onwi nyameɛso Asɔneyɛɛ sua ne anu kɔ Krongron nu Krongron ne anu.