Biblia Todo Logo
Bìoball air-loidhne

- Sanasan -




Asomafoɛ 27:24 - AHYERƐLƐ KRONGRON

24 na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

Faic an caibideil Dèan lethbhreac




Asomafoɛ 27:24
35 Iomraidhean Croise  

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.


Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”


Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.


Nakoso Laban sele ye kyɛ, “Sɛ bɔ meka ye ekotie a, mafa abisa so manwu ye kyɛ wɔ ti AWURADE ayira me paa.


Nikyee biala bɔ né owura Yosef sa ne, kuku nu neafoɛ ne anha ye nwo wɔ ye nwo, ofikyɛ né AWURADE gyi Yosef si, na bɔ ɔyɔle biala AWURADE maa ɔyɛle yee.


Ofi mmerɛ bɔ ɔfale ye tuale ye awuro noa, na ɔfale bɔ ole ye amu wurale ye sa ne, Yosef ti, AWURADE yirale Misraimniɛ n’awuro ama, na AWURADE saleɛ wale bɔ ole ye amukoraa so, wɔ awuro ne fieso.


Na osele kyɛ, “Me ole Nyameɛ, wɔ baba ye Nyameɛ, nnɛsuro kyɛ ɛkɔhɔ Misraim, ofikyɛ ngɔma wɔ bosofoɛ kɔyɛ maen kandinga wɔ dɔ.”


Yeɛ Elia sele braa ne kyɛ, “Nnɛsuro, wɔ de kɔyɔ kyɛbɔ ahã ne ala, nakoso di moa fa esam ne bie yɔ taterɛ kãa brɛ me, na afei ayɔ bie ɛne ɛwa ne bali.


Elisa buale kyɛ, “Nnesuro, ofikyɛ yɛ lɔen bɔ begyi yɛ si ne, bɛsone bɛtra bɛ lɔen deɛ ne.”


Wɔ bɔne ne, mmenia bɔ bɛte kyɛ wɔ ala yeɛ ɔfa amaneɛ brɛ bɛ ɔ, yeɛ wɔ tengyɛlɛ ne koso, mmenia yeɛ benya so mvasoɛ ɔ.


Kyẽa bɔ nzu mvrɛle wɔ ne, ɛhwe pingyele me, na ɛhane kyɛ, ‘Nnesuro!’


Afei Daniel hɔle Arioke bɔ Nana afa awura ye sa kyɛ ohũhũ Babilɔn nworɛfoɛ nemɔ ne berɛ, na oosele ye kyɛ, “Nnɛkũkũ Babilɔn nworɛfoɛ nemɔ! Fa me kɔ Nana nyunu, na ngohyire Nana laleɛ ne abo ngohyire ye.”


Na Yakob boso ama ngaa ne, bɛkɔyɛ kyɛ bosue bɔ ofi AWURADE berɛ ɔ wɔ maen maen pee bɛ nu, kyɛ nyenyenzue bɔ ogua ndire so ɔ, bɔ ɔmva ye nwo ndo sona so, anaa ɔnnwondɛ adasa mmaa ɔ.


Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.


Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.


Yeɛ Yesu buale kyɛ, “Aso nna dɔnhwere buru ne nyɔ yeɛ ɔte ɛlɛho ɔ? Sɛ ebie nate eyia a, onzoti, ofikyɛ onwu ewiase kanea ne.


Ɛhemɔ asi ne, Pɔɔlo nate Sunzum Krongron so yɛle ye adwene kyɛ ɔkwaapɛ nu Makedonia ne Akaia kɔ Yerusalem, na ɔhane kyɛ, “Sɛ medwu berɛ a, ɔsɛ kyɛ mekɔ Rome koso.”


Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”


Na sɛ mabu mmeraa ne aso, anaa mayɔ nikyee bɔ ɔfata ewue hɔ a, menzrɛ kyɛ nnɛma beku me. Nakoso sɛ nahorɛ biala nne kwaadu bɔ bafa babɔ me ne anu de a, ye de ebiala ngɔhora ngɔye me ngɔma bɛ. Yiti mefa me dwirɛ meto Kaesare nyunu.”


Na Pɔɔlo sele asraafoɛ ɛyaa so panyi ɔne asraafoɛ nemɔ kyɛ, “Sɛ ɛlɛenhanɛfoɛ nemɔ anyakyi nwatilɛ bandena ɛlɛen ne anu a, ye de ɛmɔngonya ngoa.”


Né yɛ bɔ yɛwɔ ɛlɛen ne anu amu yɛte mmenia ɛyaa nyɔ ne aburasoo ɔne nzia.


Asraafoɛ nemɔ bɔle porɛ kyɛ bekohu kukunufoɛ ne ná bɛ nu biala wammia wannwati wangɔ.


na afei bɛ ngaa ne koso bɛpo bɛ; ebie butubutu ndaboa nemɔ so, na ebiemɔ koso bebutubutu ɛlɛen buburuwaa asiiasii nemɔ so. Yiti kyɛbɔ ɔyɛle bɔ yɛ mukoraa yɛnyane yɛ ti ngoa yɛwale etii so hɔ ɛne o.


Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.


Afei koso, siesie ɛwɔfoɛ sua ma me, na me nye la so kyɛ, ɔnate ɛmɔ mbaeɛ so ngonya atee ngɔwa ɛmɔ berɛ.


Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.


Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,


Lean sinn:

Sanasan


Sanasan