Asomafoɛ 27:23 - AHYERƐLƐ KRONGRON

²³ Ɔnate kyɛ, ɛnɛ kɔngɔen ye, Nyameɛ bɔ nde ye deɛ ná meso ye n’abɔfo wale me berɛ,

Asomafoɛ 27:23 Iomraidhean Croise

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Edwein 135:4

Ofikyɛ AWURADE aneanea nu waye Yakob wama ye nwo, wafa Yisrael wayɛ ye bɔbɔ ye agyapadeɛ.

Edwein 143:12

Wɔ ɔdɔ bɔ onni ngasi ne ati, nua me pɔfoɛ mɔ bɛ boso, ná kũkũ bɛ bɔ bekyi me ɔ amukoraa, ofikyɛ nde wɔ somvoɛ.

Ɛksadɔso 19:5

Na afei de, sɛ ɛmɔkoli me dwirɛ so, ná ɛmɔali m’apam ne aso a, ye de, ɛmɔkɔyɛ me bɔbɔ deinn me deɛ wɔ mmenia mukoraati nu, ofikyɛ aseɛ mukoraati te me deɛ.

Edwein Nu Dwein 2:16

Me kurofoɛ ne, ɔte me deɛ, yeɛ me wora nde ye deɛ, ɔfa ye mmoaen kɔ adidie wɔ sukooko mɔ nu.

Edwein Nu Dwein 6:3

Nde me kurofoɛ ne deɛ, yeɛ me kurofoɛ ne wora ɔte me deɛ, ɔkɔ sukooko nemɔ anu okodidi.

Yesaya 44:21

O Yakob ne Yisrael, kaye sɔ dwirɛ hemɔ, ofikyɛ ɛte me somvoɛ; me yeɛ nwone wɔ ɔ, ɛte me somvoɛ. O Yisrael, me wora ngofi wɔ.

Yesaya 44:5

Sona ko kɔhã kyɛ, ‘Nde AWURADE deɛ,’ né ko wora wafa Yakob dumaa wato ye nwo; yeɛ ko koso kɔhyerɛ ye sa nwo kyɛ, ‘AWURADE deɛ ɔ,’ na ɔkɔfa Yisrael dumaa kɔsɔ ye dumaa so.”

Yeremia 31:33

Nakoso apam bɔ me ne Yisrael awuro ama yɛkɔyɛ ɛhe: Sɔ mmerɛ ne asi ne, ngɔfa me mmeraa ngowura bɛ nu, na ngɔhyerɛ ye wɔ b’ahone nu; ngɔyɛ bɛ Nyameɛ, ná bɛ koso bayɛ me maen, AWURADE noa dwirɛ ɛne.

Yeremia 32:38

Bɛkɔyɛ me maen, ná me koso mayɛ bɛ Nyameɛ.

Hesekiel 36:38

Na kyɛbɔ mmoaen kure krongron bɛ somaa te, kyɛbɔ Yerusalem mmoaen kure bɛ somaa te wɔ mmerɛ bɔ bedi aluolue wɔ nu ne, sɔ ala yeɛ mmenia kure kure koyi kurofoen nemɔ aso to ɔ. Na afei bekonwu kyɛ me ole AWURADE.”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:26

Yeɛ Nebukadenesa pingyele see bɔ ogye wuronyiwuronyi wɔ foonoo ne anu ne, na osele kyɛ, “Sadrake, Mesake ne Abedinego, Anwuro Anwuro Nyameɛ ye somvoɛ mɔ, ɛ́mɔfi nu béfite bɛbra!” Yeɛ Sadrake, Mesake ne Abedinego befili see ne anu befitele.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Asomafoɛ 16:17

Olili Pɔɔlo ne yɛ si teateane nu kyɛ, “Sɔ mmenia hemɔ bɛte Anwuro Anwuro Nyameɛ ne ngoaa bɔ bekyire ɛmɔ ngoalelɛ atee ne ɔ.”

Asomafoɛ 18:9

Na ɛlɛho bie kɔngɔen, Awurade hã hyirele Pɔɔlo wɔ nyekyire kyɛ, “Nnɛsuro, dwudwo, na nnɛmua wɔ noa,

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Asomafoɛ 8:26

Na Awurade abɔfo sele Filipo kyɛ, “Dwɔso ná fa ngwaen dɔ atee bɔ ofi Yerusalem ɔtoro kɔ Gasa ne aso.” Ɛhe te ɛserɛ so atee.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

Deuteronomi 32:9

Na AWURADE de, ye kyɛfa ole ye mmenia, Ye agyapadeɛ ole Yakob.

2 Timoteo 1:3

Mefa asennaa mema Nyameɛ bɔ mefa tiboa paa meso ye, kyɛbɔ me nana mɔ bɛsole ye ne, kyɛ daa biala mekaye wɔ wɔ me mbaeɛ nu eyia ne kɔngɔen.

2 Timoteo 2:24

Ɔnzɛ kyɛ Awurade akoaa kuro ngondii, na mmom ɔsɛ kyɛ ɔbrɛ ye nwo ase ma ebiala, ɔkora yɛ ngyerɛkyerɛ, ná onya aboterɛ,

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”