Asomafoɛ 27:22 - AHYERƐLƐ KRONGRON

²² Nakoso, mesrɛ ɛmɔ, nnɛma ɛmɔ abasa nu bu! Ofikyɛ ɛmɔ nu biala ngɔhwere ye ngoa, sana ɛlɛen ne ngome yeɛ ɔkɔsɛkye ɔ.

Asomafoɛ 27:22 Iomraidhean Croise

Ɛsra 10:2

Na Elam bosoniɛ Yehiel ɔwa Sekania sele Ɛsra kyɛ, “Yanni nahorɛ yamma yɛ Nyameɛ, kyɛ yagyigya Amaenmaensofoɛ mmrasua bɔ bɛwɔ aseɛ ne aso ɔ. Nakoso ɛhe asi ye po, anyelasoɛ wɔ berɛ ma Yisrael.

YOB NWOMAA NE 2:4

Na Satan buale AWURADE kyɛ, “Na ye nwonaen koso ɛ! Bɔ sona le ye amukoraa, okuro kyɛ ɔkɔmaa ɔkɔhwere ye, ná wanya ngoa.

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Asomafoɛ 27:25

Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ.

Asomafoɛ 27:31

Na Pɔɔlo sele asraafoɛ ɛyaa so panyi ɔne asraafoɛ nemɔ kyɛ, “Sɛ ɛlɛenhanɛfoɛ nemɔ anyakyi nwatilɛ bandena ɛlɛen ne anu a, ye de ɛmɔngonya ngoa.”

Asomafoɛ 27:34

Yiti mesrɛ ɛmɔ, ɛmɔdidi kãa ná ɛmɔnya anwoserɛ, ɔnate kyɛ ɛmɔ nu biala ti nwiaa ko po ngotu ngomini.”

Asomafoɛ 27:36

Afei bɛ mukoraa bɛ wora kyekyele, na ebiala didili.

Asomafoɛ 27:44

na afei bɛ ngaa ne koso bɛpo bɛ; ebie butubutu ndaboa nemɔ so, na ebiemɔ koso bebutubutu ɛlɛen buburuwaa asiiasii nemɔ so. Yiti kyɛbɔ ɔyɛle bɔ yɛ mukoraa yɛnyane yɛ ti ngoa yɛwale etii so hɔ ɛne o.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.