Asomafoɛ 27:20 - AHYERƐLƐ KRONGRON

²⁰ Ngyẽa pee se hɔle bɔ né yɛ nye nnwuni eyia anaa nzramaa ɔ; yeɛ kyɛbɔ mvrama ne si gyinane yɛ so ne ati yɛ anyelasoɛ amukoraa yiele maa yɛnwuni kyɛ yɛ ti kekã.

Asomafoɛ 27:20 Iomraidhean Croise

Edwein 105:28

Ɔsomane awosii, na ɔmane aseɛ ne aso yɛle tunn; nakoso bamva ye dwirɛ ne banyɛ huu.

Yesaya 57:10

Wɔ yɔleɛ tɛɛ pee ne amaa afɛ, nakoso anga kyɛ, ‘Ɔte mbaen’; na mmom ɛhɔle so nyane nu anwoserɛ, na wɔ nwo anyɛ wɔ bɛtɛɛ.

Yeremia 2:25

Nea yé ná amva wɔ gya angua ase, ná nzuhɔen amma wɔ komvi anwo. Nakoso ɛnwa, “Anyelasoɛ biala ɔnne berɛ, ofikyɛ mahuro ɛwɔfoɛ mɔ, na bɛ ala yeɛ ngogu bɛ so ɔ.’

Hesekiel 37:11

Yeɛ osele me kyɛ, “Sona awa, mmowue hemɔ ole Yisrael awuro ama amukoraa. Tie, bɛnwa: ‘Yɛ mmowue nwo ayɛ kokwakokwa, yɛ anyelasoɛ atu amini, yeɛ waye ye sa wafi yɛ bo koraa.’

Yona 1:4

Nakoso AWURADE somane mvrama bie bɔ ye noa yɛ hye ɔ maa otu fale ɛpo ne aso, na mvrama piri tu fale ɛpo ne aso, bɔ né ɛlɛen ne ɔpena odwudwa ɔ.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Asomafoɛ 27:19

Ye ɛlɛsa ne aso, bɛ bɔbɔ befindini ɛlɛen ne nwo nningyein ne bie beguale.

Asomafoɛ 27:21

Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye.

2 Korintofoɛ 11:25

Baha me mbire koso pɛen nza, baboro me nyɔboɛ ko, ɛlɛen abutu me pɛen nza, yeɛ ɛpo koso fale me lili akɔneaba alehyeleɛ ne alesaleɛ ko.

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

1 Tɛsalonikafoɛ 4:13

Aliɛmaa mɔ, yɛkuro kyɛ ɛmɔnwu nahorɛ bɔ ɔfa bɛ bɔ balela nemɔ anwo, ná ɛmɔ wora ammɔ kyɛ mmenia bɔ baha bɔ belle anyelasoɛ ne.