Asomafoɛ 27:18 - AHYERƐLƐ KRONGRON

¹⁸ Mvrama piri ne hɔle so fale yɛ hyinini alaa; yiti aleɛ hyene ne, ɛlɛenhanɛfoɛ nemɔ gyili ɛlɛen ne anu nningyein ne bie beguale nzue nu.

Asomafoɛ 27:18 Iomraidhean Croise

Edwein 107:27

Nzue ne hwene bɛ hɔle faen, né wahwe bɛ wahɔ faen, na bɛnatele fofalifofali kyɛ akɔnomnzafoɛ; b’adwene minini wɔ bɔ wato bɛ ne anwo.

Yona 1:5

Afei né ɛlɛenhanɛfoɛ nemɔ besuro. Yiti bɛ nu biala sũ frɛle ye nyameɛ, na befindini ɛlɛen ne anu nningyein beguale ɛpo ne anu, kyɛbɔ ɔkɔmaa ɛlɛen ne anu kɔyɛ nyera ɔ. Nakoso Yona de, né wadwu wahɔ ɛlɛen ne akunu dɔ paa waala hatee.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Luka 12:23

Ɔnate kyɛ ngoa nwo hia tra aleɛ, yeɛ nipadua koso nwo hia tra ɛtena.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Asomafoɛ 27:19

Ye ɛlɛsa ne aso, bɛ bɔbɔ befindini ɛlɛen ne nwo nningyein ne bie beguale.

Asomafoɛ 27:38

Afei ebiala ko yili yiele nen, begyili ɛlɛen ne anu atokoɔ ne beguale ɛpo nu maa ɛlɛen ne anu yɛle nyera.

Hebrifoɛ 12:1

Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.