Asomafoɛ 27:17 - AHYERƐLƐ KRONGRON

¹⁷ Bɛpagyale ɛlɛen ba ne, na bɛkyekyele bɛbɔle ɛlɛen piri ne. Né besuro kyɛ ɛlɛen ne kɔɔfofo (Libia mboanoa) Anweaa sire ne aso, yiti bɛfandili bɔ ɔsosɔ ɛlɛen ne anu maa mvrama ne fale ye hɔle.

Asomafoɛ 27:17 Iomraidhean Croise

Asomafoɛ 27:16

Ɔpale yɛ sɔ alaa maa yɛɛgyinane supɔ kaaba bie bɔ bɛfrɛ ye Klɔda so. Na yɛbɔle mmɔden yɛbɔle ɛlɛen ba bɔ bafa babɔ y’ɛlɛen piri ne nwo waen.

Asomafoɛ 27:26

Nakoso ɔsɛ kyɛ mvrama ne bɔ yɛ kogua supɔ bie aso.”

Asomafoɛ 27:29

Né besuro kyɛ yɛkɔɔfofo nyɔbotaen bie so; yiti bɛyakyili sɛkyɛ nna nu befili ɛlɛen ne abo dɔ beguale nzue ne anu, na yɛfa yɛnwondɛle alehyeleɛ.

Asomafoɛ 27:40

Yiti bɛpepɛle sɛkyɛ nemɔ nyamaa nu maa beguale ɛpo nu, na besa bɛsangyele ɛlɛen ne sitiya nyamaa nemɔ. Afei bɛfale ɛtena pirikua bie bɛkatale ɛlɛen ne nyunu maa mvrama ne bɔle ye hɔle moa, na ɔfale yɛ hɔle mboanoa.

Asomafoɛ 27:41

Nakoso ɛlɛen ne fofole anweaa sire bie aso, na ɔhale berɛ; ye ti ne timuni bɔ betu ye a ondu ɔ, na asorɔkye bɔ né ɔbɔ serɛserɛ ne koso bubuli ye bo ne.