Asomafoɛ 27:11 - AHYERƐLƐ KRONGRON

¹¹ Nakoso asraafoɛ ɛyaa so panyi ne amva edwirɛ bɔ Pɔɔlo hane ne, na mmom ɔfale bɔ ɛlɛen mene ne ne ɛlɛenhanɛfoɛ ne hane ne.

Asomafoɛ 27:11 Iomraidhean Croise

2 Ahemvo 6:10

Yiti koɛhonɛfoɛ bɔ bɛwɔ nekaa bɔ Nyameɛ sona ne abɔ ye nwo kɔkɔ ne, Yisrael hene maa bɛɛbɔle bɛ amaneɛ. Ɔmaa bɛɛbɔle bɛ amaneɛ mmerɛ pee maa bɛlale bɛ nwo so.

Anyandera 27:12

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Hesekiel 33:4

ye de ebiala bɔ ɔkɔte totorobɛndo hulɛ ne, sɛ wamva kɔkɔbɔlɛ ne wanyɛ huu, ná ngrandɛ ne ba baku ye a, ye mogya kɔbɔ ye bɔbɔ ye ti so.

Asomafoɛ 27:21

Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Yakobo 3:4

Ɛ́mɔnea ɛlɛen mɔ koso. Ɔwɔ nu kyɛ bɛte mbiri paa, bɔ mvrama piri yeɛ ɔfa bɛ kɔ ɔ de, nakoso bɛfa tabɔnga kaaba bie yeɛ bɛtengyɛtengyɛ bɛ maa bɛkɔ nekaa bɔ ɛlɛenhanɛniɛ ne kuro ɔ.

Nyekyire 18:17

Dɔnhwere komapɛ anu yeɛ sɔ anwonya ne amukoraa wayɛ mbaen ye!” Na ɛlɛenhanɛfoɛ mbanyi amukoraa, ɛlɛen nu akwandufoɛ amukoraa, ɛlɛen nu adwumayɔlɛfoɛ ne ɛpo so dwadifoɛ amukoraa begyinagyinane dedeede,