Asomafoɛ 26:31 - AHYERƐLƐ KRONGRON

³¹ Befili berɛ bɛhɔle ahameɛ kãa, na besisele bɛ nwo kyɛ, “Sɔ biaa he ɔyyɔle nikye fee bɔ ɔfata ewue anaa kuku nu nnaa ɔ.”

Asomafoɛ 26:31 Iomraidhean Croise

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

Yeremia 26:16

Yeɛ mbanyi nemɔ ne maen ne amukoraa besele asɔfo nemɔ ne ngɔmhyɛlɛfoɛ nemɔ kyɛ, “Biaa he, ɔmvata kyɛ beku ye ɔ, ofikyɛ AWURADE yɛ Nyameɛ dumaa nu yeɛ ogyi bɔ wadwudwo wahyire yɛ ɔ.”

Luka 23:4

Na Pilato sele asɔfo mbanyi nemɔ ne ɛlɔen ne kyɛ, “Biaa he, me de, mennwu foɛ biala bɔ odi ɔ.”

Asomafoɛ 23:29

Nakoso nwuni kyɛ ɔyyɔle nikyee biala bɔ ɔfata ehunɛ anaakyɛ kuku nu tolɛ ɔ; na mmom bɛ bɔbɔ bɛ mmeraa nwo yeɛ babɔ ye kwaadu ɔ.

Asomafoɛ 23:9

Bɛteateane nu serɛserɛ, na ahyerɛlɛfoɛ biemɔ bɔ bɛwɔ Farasiifoɛ fekue ne anu bedwɔso bedwudwole anyeborolɛ so kyɛ, “Yɛnnwu bɔne biala wɔ sɔ biaa he nwo. Ebie po a, né sunzum anaa abɔfo bie yeɛ odwudwo hyirele ye ɔ. Nnɛmɔma yɛko yɛtia Nyameɛ!”

Asomafoɛ 25:25

Nakoso, menea a, ɔyyɔle nikye fee bɔ ɔfata ewue ɔ. Na kyɛbɔ ye bɔbɔ ɔnwa bɛfa edwirɛ ne bɛhɔ Kaesare gya so ne ati, mayɛ kyɛ memaa bɛfa ye bɛkɔ.

Asomafoɛ 28:18

Roman mbanyi neaneane me dwirɛ ne anu yiele nen, ahaa bɛpena kyɛ bɛyakyi me, ofikyɛ bannwu nikyee biala bɔ mayɔ bɔ ɔmaa mefata ehunɛ ɔ.

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.