Asomafoɛ 26:29 - AHYERƐLƐ KRONGRON

²⁹ Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

Asomafoɛ 26:29 Iomraidhean Croise

2 Samuel 18:33

Edwirɛ ne mane Nana Dawide wora bɔle. Na sua bɔ ogyi pambim ne aso ne, ɔfo hɔle nu oosuni. Ɔkɔ ne, né osũ kyɛ, “Yieee, mma Absalom, mma ye, mma Absalom! Ahaa maa nwu ma ɛtena ase e! Ao Absalom, mma ye, mma ye!”

2 Ahemvo 5:3

Ɛlɛho bie, abaayaa ne sele ye mene aye ne kyɛ, “Sɛ me mene kɔ ngɔmhyɛlɛniɛ bɔ ɔwɔ Samaria ne berɛ a, ahaa ɔkɔsa ye kwata anwonyerɛ ne.”

Ɛksadɔso 16:3

Besele Mose ne Aarɔn kyɛ, “Sɛ AWURADE tumi maa yɛwuwuli Misraim aseɛ so a, ahaa ɔte paa. Berɛ de, yɛtenatenane naen kukue nwo yɛdidili yɛtele naen mane yɛ ko yili pambee. Nakoso ɛmɔafa yɛ baagua ɛserɛ so wa kyɛ bɛbaama ɛhɔen ku maen ye amukoraa.”

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 38:20

Nakoso Yeremia buale kyɛ, Bɛngɔfa wɔ bengowura bɛ sa. Mesrɛ wɔ, tie AWURADE noa dwirɛ bɔ mekã mekyire wɔ ye, na okoyie wɔ yé, na wɔ kra konya ye ti kodidi nu.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Yohane 5:34

Na me de, nna sona berɛ yeɛ mede adanzeɛ mefi ɔ, na mmom mekã sɔ dwirɛ nemɔ, kyɛbɔ ɔkɔyɛ bɔ ɛmɔkonya ngoa ɔ.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

Asomafoɛ 21:33

Asraafoɛ panyi ne ɔɔsɔle Pɔɔlo nu na ɔmaa bɛfale ngɔnzɔngɔnzɔ nyɔ beguale ye, na afei obisale bɛ kyɛ, “Na nwa ɛhe? Wayɔ nzu?”

Asomafoɛ 25:14

Belili ngyẽa dɔnn wɔ berɛ ne, Festo fale Pɔɔlo nwo dwirɛ tole ɛhene ne nyunu kyɛ, “Biaa bie wɔ wa bɔ Felise yakyili ye kuku nu ɔ.

Romanfoɛ 10:1

Nniɛma mɔ, m’ahone nu dwirɛ ne me mbaeɛ bɔ mebɔ mekyire Nyameɛ mema Yisrael ole kyɛ bekonya daa ngoa ɔ.

1 Korintofoɛ 4:8

Nna ɛmɔ ɔ! Ɛmɔ sa ahã bɔ ɛmɔpena ɔ dada! Ɛmɔanya bɛ nwo bayie. Ɛmɔakwati yɛ bayɛ bɛ nwo ahemvo! Me kunu a, ahaa ɛmɔte ahemvo amba, amaa yɛne ɛmɔ abɔ nu yali hene.

1 Korintofoɛ 7:7

Ɔhale me ngome a, ahaa mmenia amukoraa bɛte kyɛ me, nakoso ebiala le ye ti anwo adom akyɛdeɛ bɔ Nyameɛ afa ama ye ɔ; asora ebiala deɛ.

2 Korintofoɛ 11:1

Sɛ ɛmɔfa me ngwaseasɛm ne sɔ ala ma me a, ahaa mekuro. Mesrɛ ɛmɔ ala ɛmɔfa ye sɔ!

Ɛfesofoɛ 6:20

bɔ ye nwo bɔfoɛ bɔ nde ti yeɛ bagua me ngɔnzɔngɔnzɔ ye; amaa mahora masi m’ahone mahã, kyɛbɔ ɔsɛ kyɛ mekã ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.