Asomafoɛ 26:28 - AHYERƐLƐ KRONGRON

²⁸ Na Agripa sele Pɔɔlo kyɛ, “Ɔhale kãa ná ɛmaa nyɛle Kristoniɛ!”

Asomafoɛ 26:28 Iomraidhean Croise

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Asomafoɛ 11:26

Na onwuni Sɔɔlo nen, ɔfale ye wale Antiokia. Bɛ munyɔ bɛ ne Antiokia asɔremma ne bɛtenane afoɛ ko mumua, na bɛyɛle ngyerɛkyerɛ behyirele mmenia pee. Na Antiokia berɛ yeɛ belili moa bɛfrɛle agyidifoɛ nemɔ Akristofoɛ ɔ.

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Asomafoɛ 26:27

Nana Agripa, aso ede ngɔmhyɛlɛfoɛ nemɔ dwirɛ di? Mese kyɛ ede di.”

Asomafoɛ 26:29

Na Pɔɔlo buale kyɛ, “Sɛ ɔhale kãa oo, ɔhhale kãa oo, me de mesrɛ Nyameɛ kyɛ nna wɔ ngome, na mmom bɛ bɔ betie me ɛnɛ ye amukoraa koso kɔyɛ kyɛ me ala; sana ngɔnzɔngɔnzɔ bɔ ogua me ye yeɛ ɔbboka so ɔ!”

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

1 Petro 4:16

Nakoso sɛ ebie te Kristoniɛ ti, ná onwu amaneɛ a, nnɛmaa ɔyɛ ye nya; na mmom maa ɔhyɛ Nyameɛ animnyam kyɛ sɔ dumaa ne la ye so ɔ.