Asomafoɛ 26:20 - AHYERƐLƐ KRONGRON

²⁰ Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 26:20 Iomraidhean Croise

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 18:11

Yiti afei, kɔ Yuda mmienzua ne Yerusalemfoɛ berɛ kose bɛ kyɛ, ‘Bɔ AWURADE kã ɛhe: Tie, medwene ɛmɔ nwo adwene tɛɛ, yeɛ mesusu tɛɛ mefa ɛmɔ nwo. Yiti odi kyɛ ɛmɔ amukoraa ɛmɔsakyera befi ɛmɔ bɔne atee ne anwo, ná ɛmɔsesã ɛmɔ atee ne ɛmɔ yɔleɛ maa ɔyɛ paa.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Awuye 3:40

Ɛ́mɔma yɛneanea y’atee nu ná yɛpɛnzɛpɛnzɛ nu, ná yɛsa yɛbra AWURADE berɛ!

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Hosea 14:2

Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”

Mateo 3:2

Ɔnwa, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 3:8

Odi kyɛ ɛmɔyɔ bɔ okyire kyɛ ɛmɔasakyera ɛmɔ adwene amba ɔ.

Mateo 4:17

Ofi mmerɛ sɔ ne yeɛ Yesu hyɛle ye bo hane nzɛmba ne kyɛ, “Ɛ́mɔsakyera ɛmɔ adwene, ofikyɛ nyameɛso ahennie ne apingye!”

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Marko 6:12

Yiti besili nu bɛɛbɔle edwirɛ ne dawure kyɛ odi kyɛ mmenia sakyera b’adwene.

Luka 1:16

Na ɔkɔma Yisraelfoɛ pee bekosa bɛkɔwa Awurade bɛ Nyameɛ berɛ.

Luka 13:3

Mekã mekyire ɛmɔ kyɛ, daabi. Nakoso sɛ ɛmɔanzakyera ɛmɔ adwene a, sɔ ala yeɛ ɛmɔ amukoraa ɛmɔkowu ɔ.

Luka 13:5

Daabi, na mekã mekyire ɛmɔ kyɛ, sɛ ɛmɔanzakyera ɛmɔ adwene a, sɔ ala yeɛ ɛmɔkowu ɔ.”

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

Luka 15:7

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba nyameɛso tra bɔ ɔba mmenia tenenee aburahona ne ngona bɔ benhia adwenesakyera nwo ɔ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 15:19

Na Yakobo toale so hane kyɛ, “Me de, mesusu kyɛ, ɔnzɛ kyɛ yɛha Amaenmaensofoɛ bɔ bafa bɛ nwo bama Nyameɛ nen.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 26:17

Ngɔbɔ wɔ nwo waen ngofi Yisraelfoɛ ne Amaenmaensofoɛ bɔ mesoma wɔ maa ɛkɔ bɛ berɛ ne sa nu.

Asomafoɛ 26:19

“Yiti, Nana Agripa, manyɛ asoserɛ wɔ nyameɛso nyekyire ne nwo.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Asomafoɛ 9:35

Na Lidafoɛ ne bɛ bɔ bɛwɔ Saron mboanoa nwuni biaa ne, na bɛfale bɛ nwo bɛmane Awurade.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

2 Korintofoɛ 3:16

Nakoso sɛ sona fa ye nwo bɔ Awurade a, ɔkɔye ngatanyunu ne kɔma ye.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Nyekyire 16:11

Na ɔnate ye yealɛ ne bɛ nwo ngena ngena ne ati, bɛkekane musue dwirɛ betiale nyameɛso Nyameɛ ne, na banzakyera b’adwene bamvi bɛ yɔleɛ nwo.

Nyekyire 2:21

Mama ye mmerɛ kyɛ ɔfa sakyera fi ye adwamanbɔlɛ nu, nakoso wanzakyera.

Nyekyire 2:5

Yiti kaye tebea bɔ efili nu fini ase ne, ná sakyera w’adwene, ná yɔ nnwumaa bɔ ɛyɔle ye daa ne! Na sɛ anyɔ sɔ a, ngɔwa wɔ so ndɛndɛ, ná maaye wɔ kanea bakaa ne mafi ye boso, sana ɛsakyera w’adwene.

Nyekyire 3:3

Yiti kaye bɔ behyirele wɔ, ɔne bɔ ɛtele ne; sɔ nu yé na sakyera w’adwene. Na sɛ anwɛne a, ngɔwa wɔ so kyɛ awueniɛ, na engonwu dɔnhwere horɛ bɔ ngɔfa ngɔwa wɔ so ɔ.