Asomafoɛ 26:2 - AHYERƐLƐ KRONGRON

² “Nana Agripa, ɔyɛ me fɛ paa kyɛ ɛnɛ kyẽa ye ngyi wɔ nyunu mesa me nwo wɔ kwaadu wora bɔ Yudafoɛ babɔ me ne nwo ɔ,

Asomafoɛ 26:2 Iomraidhean Croise

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Mateo 10:19

Na sɛ bɛfa ɛmɔ bɛkɔ a, nnɛma ɛmɔdwenedwene kyɛbɔ ɛmɔkodwudwo anaa bɔ ɛmɔkɔhã ɔ nwo; ofikyɛ nyameɛ kɔfa bɔ odi kyɛ ɛmɔkã ɔ kɔma ɛmɔ wɔ sɔ mmerɛ ne ala nu.

Luka 12:11

“Sɛ bɛfa ɛmɔ bɛkɔ nyianu sua mɔ nu, ndɛenbualɛfoɛ ne mbanyi nyunu a, nnɛma ɛmɔdwenedwene kyɛbɔ ɛmɔkosi bɛkɔye ɛmɔ noa nwo, anaa bɔ ɛmɔkɔhã ɔ nwo;

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Asomafoɛ 25:26

Nakoso mennwu edwirɛ pɔtee bɔ ngyina so ngyerɛ mva ye nwo ngɔma me mene Kaesare ɔ. Yiti mafa ye mawa ɛmɔ nyunu wa, ye titire, wɔ Nana Agripa nyunu; amaa sɛ yɛneanea ye dwirɛ ne anu a, manya edwirɛ bie mahyerɛ.

Asomafoɛ 26:1

Na Agripa sele Pɔɔlo kyɛ, “Atee wɔ berɛ kyɛ ekyire wɔ noa dwirɛ ɔ.” Yeɛ Pɔɔlo tengyɛle ye sa yele ye noa kyɛ,

Asomafoɛ 26:19

“Yiti, Nana Agripa, manyɛ asoserɛ wɔ nyameɛso nyekyire ne nwo.

Asomafoɛ 26:26

Ofikyɛ Nana se sɔ dwirɛ hemɔ amu, na masi m’ahone yeɛ mekã mekyire ye ɔ; yeɛ mede medi koso kyɛ ɛhemɔ nu biala nne berɛ bɔ ɔnze ɔ, ɔnate kyɛ banyɔ ɛhemɔ nu biala wɔ mvealeɛ nu.

Asomafoɛ 26:3

ye titire ne, wɔ de ɛse Yudafoɛ amanneɛ mukoraa ne nningyein ahoroɔ bɔ yɛsu bɛ nwo aporowaa ɔ. Yiti mesrɛ wɔ ala, nya aboterɛ na tie me.

Asomafoɛ 26:7

Na sɔ bɔhyɛ komapɛ ne ala yeɛ yɛ mmusua kure buru ne nyɔ ne bɛ nye la so kyɛ bekonya ɔ, na bɛsɔne Nyameɛ alehyeleɛ ne alesaleɛ biala. Nana Agripa, ɔnate anyelasoɛ he ati yeɛ Yudafoɛ afa edwirɛ ato me so ye.