Asomafoɛ 26:16 - AHYERƐLƐ KRONGRON

¹⁶ Nakoso dwɔso gyina wɔ gya so. Na ɛhe ati yeɛ ɔmaa nyele me nwo ali ngyirele wɔ ɔ; maye wɔ kyɛ ɛyɛ me somvoɛ ne danzeniɛ wɔ nningyein bɔ anwu ye ne bɔ mebaaye mekyire wɔ ne nwo.

Asomafoɛ 26:16 Iomraidhean Croise

Hesekiel 2:1

Na osele me kyɛ, “Sona awa, dwɔso gyina wɔ gya so maa nga edwirɛ ngyire wɔ.”

Daniel 10:11

Na osele me kyɛ, “O Daniel, bɔ Nyameɛ kuro wɔ dwirɛ paa ɔ, tie edwirɛ bɔ mekã mekyire wɔ ye, ná dwɔso gyina berɛ, ofikyɛ basoma me wɔ berɛ.” Na ye noa wɔ so bɔ ɔkã sɔ dwirɛ ne kyire me nen, ndwɔso ngyinane berɛ bɔ né me nwo wosowoso me ɔ.

Luka 1:2

kyɛbɔ bɛ bɔ ofi ye bohyɛlɛ ne bɛfale bɛ nye benwuni ye, bɔ bɛte edwirɛ ne nwo asomvoɛ ne bamaa yɛ sa ahã ye ne ala.

Asomafoɛ 1:17

Né ɔboka yɛ asuafoɛ fekue ne aso, ofikyɛ bɛyele ye maa onyane kyɛfa wɔ adwuma he anu.”

Asomafoɛ 1:25

kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.”

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:19

Pɔɔlo bisale bɛ ahye, na ɔhane nikyee bɔ Nyameɛ nate ye (Pɔɔlo) asɛmbatrɛ adwuma ne aso wayɔ wɔ Amaenmaensofoɛ nu ngoko ngoko hyirele bɛ.

Asomafoɛ 22:10

Na mmisale kyɛ, ‘Awurade, nzikyɛ yeɛ nyɔ ɔ?’ Na Awurade sele me kyɛ, ‘Dwɔso na kɔ Damasko, na berɛ yeɛ bɛkɔhã nikyee biala bɔ Nyameɛ ahyehyɛ kyɛ ɛyɔ bekohyire wɔ ɔ.’

Asomafoɛ 23:11

Sɔ kɔngɔen ne, Awurade wale oogyinane Pɔɔlo nwo berɛ sele ye kyɛ, “Nnɛsuro! Na kyɛbɔ ali me nwo adanzeɛ wɔ Yerusalem nen, sɔ ala koso yeɛ odi kyɛ edi me nwo adanzeɛ wɔ Rome ɔ.”

Asomafoɛ 26:15

Na nzele kyɛ, ‘Wɔ nwa ɛne, Awurade?’ Na Awurade buale me kyɛ, ‘Me ole Yesu bɔ ɛtane ye nye ne.

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Romanfoɛ 1:5

bɔ ɔnate ye so yeɛ yanya adom ne asomafoɛ adwuma bɔ yɛfa yɛma amaen maen mukoraa bɛyɛ sotie wɔ gyidie ne dumaa ne anwo,

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

2 Korintofoɛ 4:1

Ye sɔ ti, kyɛ Nyameɛ wanwu yɛ anwumvoin wafa ɛsom he wawura yɛ sa ye, yɛngɔpa aba.

2 Korintofoɛ 5:18

Nyameɛ yeɛ wayɔ ɛhe amukoraa ɔ. Ɔnate Yesu Kristo so wafa yɛ wabata ye nwo, na wafa ngabonu he nwo dwumadie wawura yɛ sa:

Galatiafoɛ 1:12

Ɔnate kyɛ mannya mamvi kuro sona berɛ, yeɛ bangyire me koso; na mmom Yesu Kristo yeɛ ɔyele ye ali hyirele me ɔ.

Galatiafoɛ 2:2

Nyane nyekyire ti yeɛ ngɔle berɛ ɔ, na mvale nzɛmba bɔ mekã mekyire Amaenmaensofoɛ ne ndole bɛ nyunu; nakoso mbanyi nemɔ de, nga ngyirele bɛ wɔ ahameɛ, amaa adwuma bɔ meyɔ, ɔne bɔ mayɔ ye daa ne anyɛ mbaen.

Ɛfesofoɛ 3:3

kyɛbɔ ɔnate nyekyire so maa nwuni mvealeɛ nu dwirɛ ne, kyɛbɔ mahyerɛ ye nwo dwirɛ kãa dada ne.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:25

Ɔnate ɛmɔ ti Nyameɛ afa sɔ adwuma ye wawura me sa, na wamaa mayɛ somvoɛ mama asɔre ne, kyɛ mmɔ Nyameɛ dwirɛ ne dawure ma ebiala te,

Kolosefoɛ 1:7

kyɛbɔ ɛmɔasua bafi y’eliɛma somvoɛ Epafra, bɔ ɔte Kristo somvoɛ nahorɛniɛ ma ɛmɔ ne berɛ ɔ.

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

1 Timoteo 4:6

Sɛ ɛfa sɔ ngyerɛkyerɛ hemɔ ekyire aliɛmaa nemɔ a, ɛkɔyɛ Kristo Yesu somvoɛ paa bɔ bafa gyidie nwo dwirɛ ne ngyerɛkyerɛ paa bɔ eli ye si ne batete ye ɔ.

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.